May 29 – BACHA KHAN PRATIGYA LAGA!

“hoilebi bacha khan pratigya laga ginti kore jinika guti” (Romans 9:8).

Ami khan ase jinika Pobitro kotha pora koi ami khan laga kotha ke. Pobitro kotha kitya bi misa nakoi; aru ami khan laga Isor ase bodli nahoa Tai laga hobdo te. Hobole dibi isor ke khuli bole aru puhor koribole apuni laga mon ke sabole apuni ke jinika Tai kore. Aru hobole dibi Tai ke dibole apuni ke atma buddhi laga koribole hisab te utu drishti laga.

Judi apuni ase Tai laga bacha khan, tini hoile apuni ase bacha khan Tai pratigya laga. Chela Paul likhe, “itya ami khan, bhai khan, jinika Isaac thakishe, ase bacha khan pratigya laga”(Galatians 4:28).

Judi bi Azbraham thakishe ekta putro naam Ishmael Hagar dwara; aru bacha khan Keturah; itu khali thakishe Isaac jun tai thakishe Sarah dwara, thakishe putro pratigya laga. “aru Abraham dishe sob juntu tai thakishe Isaac ke”(Genesis 25:5)

Notun Niom te, judibi ami khan gentiles thakishe, ami khan bone bacha khan Isor laga kilekoile ami khan ase bacha khan pratigya laga krista te. Kilekoile itu karone, Baba Isor laga dishe apuni ke tai laga Putro Jisu krista ke; aru sob thik ashirbad khan swarg laga apuni ke

Isor jun pratigya ase hosa te wafadar. Sob Tai laga pratigya ase hoi kene pura jinika ‘hoi’ aru ‘amen’ Krista Jisu te. “kintu pratigya ase apuni ke aru apuni laga bacha khan, aru sob ke jun ase dur, jinika bishi Isor ami khan laga Pormeshwar mate”(Acts 2:39)

Jitya Abraham Lincoln thakishe President United States of America laga, bishi leaders khan desh khan laga pura prithibi te icha kore lok koribole tai ke rukibo lage tai laga bari nimite, White House te, pura kori kene pura security procedures khan ke.  Tai khan lok koribo napare President ke jitya tok tai khan ke namate. Hoilebi khali ekta jawan chokra jabole parishe ahram pora, iku dhyan nathki kene security protocols laga aru jabole parishe office te president laga icha  te. Itu kilekoile, tai thakishe lora President laga.

Bacha khan isor laga, apuni khan ase bacha khan Raja raja khan laga, aru Isor isor khan laga. Apuni khan nidar hoi kende jabole pare rajyo te anugrah laga sob homoi te sob azadi logote. Kilekoile, jiman jon paishe Jisu Krista ke, tai khan ke Tai dishe adhikar bonisbole bacha khan Isor laga, tai khan ke jun Biswas kore Tai laga naam te” (John 1:12).

Kilekoile apuni ke ase utu adhikaar, apuni hobo jit. Kintu ki jonom hoi Isor pora jite itu prithibi ke. Itu karone anondo koribi itu ke ki “Gentiles khan bi ase iki bacha khan, iki gau laga, aru bhag loa Tai laga pratigya khan ke Krista laga gospel dwara!” (Ephesians 3:6).

Aji dhyan koribole laga pobitro kotha tu hoile 1 John 3:2 “Moromial khan, itya ami khana se bacha khan isor laga; aru itu ke itya bo dikhai diyanai ki ami khan hobo, hoilebi ami khan jane ki jitya Tai ke dikhai, ami khan hobo jinika Tai, kilekoile ami khan dikhibo Tai ke jinika Tai ase”