May 25 – BISHI BHAL !

“Titya Isor dikhishe sob juntu Tai bonaishe, aru hosa te itu thakishe Bishi bhal”(Genesis 1:31).

Isor nirmaan korishe brahmaan ke aru sob juntu ase itu te, choi din te. Tai paishe sob Tai laga nirmaan khan ke bhal. Jitya Tai thik pora khotom korishe kaam khan ke nirmaan laga choi din te, Tai hoishe Khushi Tai laga nirmaan khan te aru paishe tai khan ke bishi bhal.

Aji bi, Tai nirantar kore nirmaan; aru sob Tai laga nirmaan khan ase agete Tai suku laga. Tai rakhe Sai kene tai khan ke; aru tate nai iku bi juntu luki kene ase Tai nazar pora

“Oh, gehrai dhon gyan aru buddhi laga Isor!”  (Romans 11:33). Jitya Isor rakhishe jor khan ke prithibi laga aru nirmaan  korishe itu ke, duth khan  Isor laga paishe itu ke hobole bhal, aru korishe anondo. Job, manu Isor laga darj kore itu ke aru koi, “Titya phujir Tara khan gaishe iki logote, aru sob Putro khan Isor laga hala koriahe anondo karone (Job 38:7).

Aji bi sob nirmaan khan prithibi te yaad dilai ami khan ke Nirman korta Isor laga.  “swarg khan ghoshna kore mahima ke Isor laga; aru hawaakash khan dikhai Tai laga hath laga kaam khan ke. Din proti din ulai kotha, aru rati proti rati dikhai Gyan ke” (Psalm 19:1-2)

Jitya Psalms likha khan dhyan kore Isor laga nirmaan khan ke, Tai prashansha kore Isor ke aru koi,  “O Isor, kiman guna ase Apuni laga kaam khan ! Buddhi te Apuni bonaishe sob itu khan ke. Prithibi ase bhorta Apuni laga saman khan pora. Hobole dibi mahima Isor laga thakibole hodai din karone; hobole dibi Isor ke anondo Tai laga kaam khan te”(Psalm 104:24,31).

Bacha khan Isor laga, jinika Isor paishe sob Tai laga nirmaan khan ke bhal, ami khan bi sabo lage tai laga hodai din laga bhal ke aru kori thakibo lage prashansha aru dhonyobad Tai ke Tai laga bhal karone ami khan laga mon pora. Sob din khan juntu paishe Isor pora bhal, ase hosa te bhal ami khan karone

Manu khan itu prithibi laga Mane kunuba din ke biya. Ami khan kityabi inika nakoribo lage aru Isor ke biya lagibole nadibo lage. Sob din bi bonaishe Isor pora aru ami khan prashansha aru seva koribo lage Isor ke itu karone.

Chela Paul likhishe: “kintu sob jontu Isor laga ase bhal, aru iku bi mana koribo nalage Judi itu ke paishe dhonyobad jonai kene” (1 Timothy 4:4).

Bacha khan Isor laga, hobole dibi sob kaam khan apuni laga bhal aru Khushi kora Nazar te Isor laga. Apuni ke matishe kaam koribole himina te Isor icha laga itu prithibi te. Dibi sob din khan ke apuni jibon laga hobole bhal aru labhdaik Nazar te Isor laga aru agete manu laga.

Aji dhyan koribole laga Pobitro kotha tu hoile (Psalm 8:4) “ki ase manu ki Apuni bhabna kore tai ke, aru Putro manu laga ki Apuni lok kore tai ke?”