May 23 – MILAP ISOR LOGOTE!

“Ami khan laga milap ase Baba logote aru Tai laga Lora Jisu Krista logote” (1 John 1:3).

Isor icha korishe nirmaan koribole manu ke Tai laga chabi te. “Toh Isor nirmaan  korishe manu ke Tai laga nijor chabi te; chabi te Isor laga Tai nirmaan korishe tai ke” (Genesis 1:27).  Isor ase atma. Ami khan pare thakibole milap ke Isor logote Jun ase Atma kilekoile Isor rakhishe Tai laga Atma ke ami khan te

Khali bhabna koribi itu ke. Ami khan najani kene bi, ami khan laga mon khan icha kore thakibole milap Isor logote. Ami khan kityabi bhal nalage milap thakibole janwar logote; logote ami khan ke nirmaan korishe alag hisab te, jitya tulna kore janwar ke. Sob janwar khan ke dikhai nijor laga kisim te. Hoilebi aminkhan, Jun ke nirmaan  korishe chabi te Isor laga; Atma logote Isor laga thaki kene ami khan te, matishe thakibole milap Isor logote.

David icha korishe inika milap ke Isor logote. Tai koishe, “jinika horin icha kore Pani laga jharna ke, inika icha kore ami laga atma Apuni karone, o isor. Ami laga atma pyas lage Isor karone, jiyai thaka Isor karone. Kitya ami ahibo aru ulabo agete Isor laga?” (Psalm 42:1-2).

Hoi atma icha kore aru atma pyas lage. Itu mumkin nahoi ami khan karone thakibole milap Isor logote ami khan laga gau te. Na ami khan thakibo pare milap isor logote ami khan laga dimag pora. Hoilebi ami khan thakibo milap Isor logote atma te. Jitya ami khan prathana kore, ami khan laga atma mile Atma logote Isor laga; aru amikhan mile Tai logote atma te.

Isor Jisu koishe, “Iaie ase Atma, aru Jun khan seva kore Tai ke seva koribo lage atma aru hosa te” (John 4:24).

Paap logote ghusi kene prithibi te, mon manu laga lage dagi, natija bhange milap te. Hoilebi Isor icha kore anibole dubara utu milap ke; aru phelai Tai  laga khun ke krus te; aru dhale Pobitro Atma ke. Itu kilekoile ami khan thake Pobitro Atma ami khan te, ki ami khan pare thakibole Isor laga milap te Isor logote.

Pobitro kotha te koi, “jusi ami khan koi ki ami khan thakibo milap Tai logote, aru berai andhera te, ami khan Misa koi aru nakoribi hosa ke. Hoilebi Judi ami khan berai puhor te, ami khan thakibo milap te dusra logote, aru khun Jisu Krista Tai Putro laga sapha kore ami khan ke sob paap khan pora” (1 John 1:6-7)

Bacha khan Isor laga, prashansha Isor laga ghoshna kore biswas te ki “isor ase Atma”. Tai dhalishe Tai  laga Atma  ami khan laga mon te. Tai dishe Pobitro Atma ke ki ami khan anondo kore Isor te ami khan laga atma pora. Itu karone ami khan nirantar milap Isor logote”. Aru bachai rakhibi milap ke Isor logote hekh tok.

Aji dhyan koribole laga Pobitro kotha tu hoile (Psalm 149:4) “Kinru Isor loi anondo Tai laga Manu khan te; Tai Sundar koribo nimro khan ke poritran pora”.