May 23 – DEVETHI SAHAVAS

1Yohan 1 :3 Ham bhalmalan rero Balethin vor Beta Yesu Christhuthi cha.

Dev manikyan vor chayaman rupema thayar kido kan Agadiyar grandh 1:27 vachanema dekacha katho Dev vor dakal renu kethanu manikyan thayar kidojen dekeja. Dev Athma ven cha. Vu Athma apanerema chajethi vu Athma ven chajako Deven apan sahavas kareja

Apanen malam cheniju Apanen sos ayenijummaj apaner dall Devethi sahavasema renu kan asa  karacha. Jaanvarevuthi soch karatho apan janvarethi sahavas karnu kan kelani kasen katho apanen Dusar thara thayar kidocha. Janvaren vor jeever rupena dekan valakeja. Apan Dever Athma vasrojako jeevadar nai thayar kidojethi apan vu Devethi sahavas karena balamelecha.

Yeej tharasethi David Geeder grandh 42:1-2 vachanema khalyar panivas Chithali dhundaju, Dev Mar Athma Tharvas dhundaricha, Mar Athma Deveparaj jeevarojako tharsethi cha, kanna ma Dever anganema aan dakayu? Kan vor asan Apanen kelerocha.

Apaner jeevadathi Devethi sahavas karer veni. Apaner genethi Devethi sahavas karer veni. Apaner Athmathij Devethi sahavas karsakkeja. Jethij Yohan 4:24 Dev Athma jethi von aradhana kareval Athmathi Sathethi aradhana karnu.

Yee jagema aayijako papethij maniyar dall mundethi bharago jethi vu sahavas gamalide. Lapan gamalidejako yee sahavasen pharan bhelena Yesu Prabhu vor loyeen redan vor Athmani vundanako. Yee Pavithar Athma chajethij apan Prabhuthi sudho sahavas karecha. Hava apan Athmathi sada Devethi sahavas karen asa karacha.

1 Yohan 1:6-7 apan vothi bhalaman cha kan ken,andharema chaleval vatho sathema chaleniju labbari kareval vemacha. Vu vajalema chaju apani vajalema chalatho, yekker sath yek bhalmalan remacha, vor Beta Yesu Christhur loyee soli papena dhon apanena pavithar karacha

Ajji jada dhyan Karen pado Geeder grandh 149:4 Yehova vor jannen prem karacha, Shanth gunevalena rakshathi sangaracha .