May 22 – VOR CHAYAAMA

Agadiyar grandh 1 :26 Dev apaner chayaman apaner dakal thayar kara kan ko

Dev manikyan kukan srusti kidojema chajako savaalevun sos kara. Kukan Dev manikyan thayar kido? Vu kethi samjavnin palido? Kun vona salaha dine? Yee srustin kun madiriga cha? Ajji Dev manikya barobbar kukan renu keldo?.

Dev manikyan yek khathir kam kare valer nai thayar kido vatho, vu sey thara lakadivun lelen yek motas chekkar petten kartho kaiko. Vuj manikyan yek shilpir nai kido vatho vu yek motas bhatar gundun lelen vona yistam chaju chayan  thayar karletho kaiko.

Lapan yesejithi jada Devaj manikyan vor sonth chayaaman vor sonth sayaama rupema kathraiko moto shaswith premethi prem karan yee sari srustithin yek yethu vunchoj raju manikyan thayar kidocha kan Agadiyar grandh 1 :27,28 vachanema dekacha.

Agadiyar grandh 1 :28 Dev yee sari srustima chajako seji vumpar Ajji sey jalacharamepar thuj adhikariven palan karan Phelan yee jammin bharnako kan ashsis kido. Dev thona yee jammi jagena palan karena thayar kidocha, atho thu Deven mahima karan dhanyavad kerochika?

Hebrivalun kagada lakkojako 2:7-8 vachanema Thu Dever sojathini vona thodsek halko kidochi, mahimathin ghanathathi vona kireetana peran, Thar hather kamepar vona hakamena dinochi, solina vor pager heta kidochikan ko, solina vor heta kidojako khabarema vora heta kido koni Jako cheej kunsi cheni, hanu rethu vujji soli vor heta chaju dakaro koni kan lakkocha.

Hannu manikyan Dev kassen thayar kido katho Yeshaya 43:21 vachanema Mar saru Ma thayar kido Jako yee manikya Manna dhokanu kenaj kan Ajji vor sonth beptar nai Dever chayaaman rupema banchanu kethanu mathramaj kidocha kan vanchacha.

Ajji jada dhyan Karen pado Geeder grandh 34:1 Yehovana ma sey vagathema sthuti karuchu, vor stuthi hamesha Mar mundema cha.