May 19 – GHANO MAALI

Agadiyar grandh 1 :21 Dev Jalamema rajako Ajji vunder jather prakar jalamemathi pedavijako ghan mot maalivon, jeevethi pharajako sejini srusti kido.

Dev Panchmo dad pakshivuna Ajji malivuna thayar kido. Geeder grandh 104: 25 vudek maha samundra voma leko ghaler venijathra jeevarasivun voma Nankin motas chajako jeevarsuvo sada cha.

Yetha samundrema maalivvo rach lapan vunder jaan jayeni, kassen katho vunden Dev panimathij pedakidojethi banchrecha. Ajji vu samundarema noon jasthi racha lapan vu nooner panithi haal vanaju pharricha. Hannuj papema banchrejako papema rach,Pavithar val pavitharethi banchacha kan 1 Yohan 3 :9 vachanema cha. Thon athra pavithratha chaka?

Vuj maalir petema Yona theen rathan diyya vetho. Kanna vona buddhi aayojana Dev vu maalina Yonan bhar naak kojana vu bhar lathanu thunknaaki. Janna vor jeevanema Yona ghan moto paatan seeklido. Kan Yona 2:2-10 vachanema Yona abbethi ma Dever vath maanlen banchanu kan keldo.

Vuj Prabhu Yesu thon sada Yonan puchoju thona sada vat maanechika? Konika? Mathai 17:27 thu samundrer kan jathanu valla naak jana yek mali avacha vor.

mundo vagadastho vona dee rapya malacha, voma yek. Mar vasun thar vasu sada laanathanu yindena denako kan dino.

Ajji jada dhyan Karen pado Luka 5:4 Thar vallan vundema jaan maali pakalden naaka.