May 21 – VOJ SEY PALAN KAREDA

Agadiyar grandh 1 :26 Samundarer maalina, asmaner pakshivuna gavdigodan sari jammin jammipar praker sey jaanvarevun palan Kareda kan ko.

Dev manikyan sari srustima chajena  palan karer adhikara denakocha. Adamena Agadiyar grandh 1 :26 vachanemaj thayar kido, lapan vor nam Adam kan vuj Agadiyar grandh 2:19 vachanema Dev balayo jen dekacha. Yee namen Rathado dhoodh kan aratham.

Adamena Dev jeev jeevada aji Athmathin thayar kido. Havvan Adamemathi thayar kido, vo doi nankya beptar nai papaj malam cheniju vethe. Jethi Dev dadi saanjer silos vagathema vunder sath chalan sahavas kartho aayo.

Assal yee Adam kanna srusti vo? Yeej vathe par Bishop James Ussher massaj paricho karan Adam 4004 BC ma srusti vocha kan kelayo.

Yeej vathe par thodsek varser pacha Pastor John Lightfoot kajako 4004 BC ma, October meena 23 tharik parabhathi 9 ghantan srusti vocha kan kelayo.

Athoi apanen yee paricho par kai bharoso kerveni lapan Adam kasen srusti vocha kajako malam karlero ghan avasaram. Epheseivalun 2:10 vachanema Epheseivalun 2:10 vachanema Kimkatho – apan ach kam karena Christhu Yesuma srusti gen Dever kam ven cha, vundema apan chalena vu angaj vunden sadarmelocha kan ko. Vuj Paul Aposthaler kam 10:38 apan Dever bepta vethanu chajako seji kunvatho Yesu Prabhu Dev vor sath rajethi vu bhalayi kartho, bhuther jorema halajarejena varu kartho phartho roju Apan sada banchanu. Kanna thu Pavithar Athman thar dallema balalechiko jannathi thu bhalayinaj karto rechi.

Janna thu sada Yeshaya 61 :1 vachanema chaju Prabhur Athma mapar cha, gareeben acha khabar prachar karena, manna abhishek kidocha, dall phutrejena varu karena, khaidema chajena chodayena, andhena nazar dena, ajji dabrejena chodayenaj Ma chu kan kechi.

Mathai 5:16 hannuj manikya thamar hach kamena dekan, swargemar thamar Bapena mahima karaju, thamar vajalo vunder aanga jhankeda kan Apanen Yesu Christhuj hecharika derocha.

Ajji jada dhyan Karen pado 2 Titus 3:14 Apaneval sada bana phalethi nai rena, kamthina sey puro karer bhalayir hacho  kam karena seeklenu.