May 12 – SEY BHAALAN YEK JAG AYERO

Agadiyar grandh 1 :9 Dev asmaner heta chajako jalamevo yek jag atahethu sukharijako jammi dikayed kan ko vu prakar vegi.

Theenmo dad Dev asmaner heta jalamevur vacha khali jag veda kan ker sath hanu vikan dekacha. Yee kathra manoharamer khabar sey jalamevo yekkaj jag ayero kunika.

Kunvatho sey jalam yekkaj jag avaju kidojako Dev, baptism lelen sabhama bhaleval seji Christhur katmalema yekkaj vejavaju bhelnakocha. Heryek dad viswas kidejako sejini sabhama bhalge kan dekacha.

Agadiyar dadema srusti kidojako vajalen dekatho vu vimochanen  chendir nai dekalacha. Jalamena deemo dad srusti kidojen dekatho vu baptismen chendir nai dekalacha. Vishalatha nathkan asman katho pavithar jeevanen chendir nai dekalacha. Sey jalamevun yekkaj jag ayero kajako Christhur sabhana chendir nai dekalacha. Viswas kidejako sey vunder khathar vaju banchanu koni lapan sey yekkaj sabhama Christhur vathema maanan renu.

Aposthaler kam 20:28 Jethi thamar vadi, Dev vor khas loyeethi kamaldo Jako  vor sabhana charayena, Pavithar Athma thamena kaavali karevaler nai rakadojako sari mandarvadi jathanethi ro kan Aposthal Paul kerocha. Vu kanna sadhya vacha katho Geeder grandh 133:1 bhayiyu bhalan rero, kathra achon kathraiko anand cha kunika.

Vimochan payejako sejini yee athmik sahavas kajako ghano avasyam cha Hebrivalun 10:25 golaven aavajena thodsek chod daju apan chodaniju yekkena yek akkal kethe, vu dad dai aavajena kathrak tham dekochoko athra jada akkal kedo kan vanchacha. Agadiyar Aposthaler dadema sabhama viswasivo viswaseman badajema vaddan jarethe. Viswas kareval dadi dadi jada verithi jethi Dever rajyam yee jammipar bhandaagi jana Deven mahima aayi kan dekacha.

Aigupthemathi Yisraeleval bhar ayejana vunder mundag laal samundaren datan gechakatho vu sabhaval kan keraye. Voj Dever vadithi verega vethanu Devaj ver karkako. Voj Prabhur jeever bhagam vencha kan dekacha. Panir chukkavo bhalan yek veri pedavacha,voseji yekkaj katmaler nai bhalan Dever sabha dakal thayar vejavacha.

Cannanen jayena Yisraeleval sey bhalan yekkaj Vatema aduguma adugu melan jarejen kathra moto mahimaro khabar cha kunika. Yee kathraiko jada saavukar panan massaj ashisen laan devacha. Sabhar bagey Hebrivalun 12:23 swargema nam lakaldejako pelo beta sabhar dayin, heryekeni never nayak Dever dayin chajako sabha kan vanchacha.

Ajji jada dhyan Karen pado Ephesivalun 5:2 Christhu apanevas Deven suvanth vaser bheter nai, bhokaner nai haval karan, apanena prem kidoju thamsada premema chaljavo.