May 10 – AKASH !

“Titya Isor koishe, hen God said, “hobole dibitate akash majete Pani khan laga, aru hobole dibi itu ke bhag Pani ke Pani pora”.(Genesis 1:6).

Jitya bi ami khan Sai Nila akash ke, ami khan laga mon bhorta hoi anondo pora. Swarg te, ami khan ase ami khan laga Baba Pormeshwor Tai laga bhorta morom logote ami khan karone; ami khan ase ami khan laga tran korta Isor Jisu, bhorta hoi kene Tai laga anugrah logote. Itu tate ase ami khan laga hodai din laga ghor. Ami khan laga naam khan likhi kene ase tate ktab te jibon laga, ami khan ase khotom nahua laga mukut jibon laga aru ami khan laga mahima janak dhon ke.

‘Akash’ ke koi unch atmakarik jibon. Jitya ami khan Sai akash te, ami khan yaad kore ami khan laga Isor jun beraishe agete Israelites khan laga khura hoi kene badal laga. Jitya ami khan sai akash te, ami khan yaad kore Isor Jisu ke Jun ke loi jaishe swarg te Baba Pormeshwor pora. Jitya ami khan sai dangor pheli ja akash ke, ami khan prashansha aru seva kore Isor ke Tai laga nirmaan kora Shakti khan pora.

Pobitro kotha te koi, “Tai uthai disha ami khan ke iki logote, aru bonaishe ami khan ke bohi bole iki logote swarg jaga khan te Krista Jisu laga” (Ephesians 2:6).  “ashirbaad ase Isor aru Baba ami khan Isor Jisu Krista laga, ashirbad korishe ami khan ke sob atmakarik ashirbad logote swargya jaga khan te Krista laga” (Ephesians 1:3)

Raja David saishe swarg khan te aru tai laga mon bhorta hoishe Isor laga prashansha logote. Tai koi, “prashansha Isor ke! Prashansha Pormeshwor ke Tai laga dhip te; Prashansha koribi Tai ke Tai laga mahaam akash te!”  (Psalm 150:1).  “swarg khan ghoshna kore mahima ke Isor laga; aru akash dikhai Tai laga hath laga kaam ke” (Psalm 19:1). Itu pheli ja jaga khan swargya akash laga aru itu laga sundarta, loi jai ami khan ke prashansha te aru seva te nirmaan korta Isor laga.

Bijli polai jai paar kori kene akash ke aru jilikai diye andhera akash ke. Bojro gurrai aru ghoshna kore ami khan ke ki Raja Judahblaga ase jinda hodai din karone. Isor phelaishe hazarta Tara khan ke aru dikhaishe Tai laga morom ami khan ke. Pobitro kotha te koi, “jun khan ase buddhiman jilikibo jinika ujala akash laga, aru Jun khan ghurai Bishi ke dharmikta te jinika Tara khan hodai din karone.”(Daniel 12:3).

Apuni nahoi itu prithibi laga. Apuni hodai sabo lage upor swarg te, aru jiyabo lage apuni laga jibon ke swargya drishti logote, aru paar koribo iti prithibi pora jinika anjana aru najana manu khan. “kintu ami khan laga nagarikta ase swarg te” (Philippians 3:20).

Ami khan laga Baba ase swarg te (Mathew 6:9).  Ami khan laga Isor Jisu ase tate (Acts 5:31). Ami khan ase ami khan thaka jaga tate (John 14:2).  Ami khan laga naam khan likhi kene ase kitab te jibon laga swarg te (Luke 10:20, Philippians 4:3).  Aru ami khan laga jibon ase luki kene tate Krista logote Isor te (Colossians 3:1-3).

Aji dhyan koribole laga Pobitro kotha tu hoile (Colossians 3:1-2)  “judi tini hoile apuninke uthishe Krista logote, bisaribi utu saman khan ke juntu ase uporte, jote Krista ase, bohi kene dahina hath te pormeshwor laga. Rakhi lobi apuni laga mon ke saman khan te upor laga, nahoi saman khan te prithi laga”.