May 07 – PUHOR ASE BHAL!

“Aru Isor dikhishe puhor, ki itu thakishe bhal”. (Genesis 1:4).

Isor Khushi pora saishe Tai laga nirmaan khan ke hodai din, aru tai khan diye dangor anondo. Isor jun nirmaan korishe puhor ke poila din te, paishe ki itu thakishe bhal.

oila adhyay te genesis ekla laga tate thakishe satta bar bar koa hobdo thakishe Isor pora, ‘bhal’ koi kene. Hoilebi Isor karone sob din khan hi bhal aae. Khali Jun khan ase dur Isor pora dikhe kunuba homoi ke khas aru kunuba homoi ke iku khas nathaka

Jitya ami ke thakishe avsar jabole Cana te Israel laga, Jewish guide hudishe ami ke Judi ami Jane shadi ke Cana te hua tisra din te hafta laga aru ami bhabna korishe. Poila din ase hafta laga Sunday, dusra Monday aru tisra Tuesday. Ami khan Indian culture te, shadi khan Bishi bhag Tuesday te nathake, kilekoile itu ke khas bhabna nakore. Kunuba khan itu bi bhabna kore ki Jun khan Tuesday te shadi kore tai khan dukhiya ke bhugibo

Jewish guide pora koishe ki Tuesday ke sobse khas din Mane Jews khan pora kilekoile Isor saishe Tai laga nirmaan kora khan ke aru koishe ‘bhal’ duibar itu din te. Itu karone utu din ase bhal dulha Dulhan nimite aru itu karone ase kile Tuesday khan ke khas mane. Pichete Ami bi saishe Pobitro kotha te aru paishe ki Isor hosa te koishe ‘bhal’ ke duibar Pobitro kotha te tisra din te.

Ami khan Jun rakhishe ami khan laga biswas ke Isor Jisu te, sabo nalage bhal aru biya homoi ke jinika gentiles khan rakhishe. Sob din khan hi nirmaan korishe Isor pora, aru Tai ase ami khan logote hodai din aru ashirbad kore ami khan ke. Jitya nirmaan korta Pormeshwor paishe Tai laga sob nirmaan khan bhal koi kene, itu galti ase Judi ami khan kunuba din ke biya ase koi.

Pobitro kotha te koi, “itu ase din Isor pora bonaishe; ami khan anondo koribo aru Khushi hobo itu te” (Psalm 118:24).  Hodai din ase ekta uphar Isor laga; aru Tai akha kore ami khan ke cholabole itu ke pura aru kityabi ini naphelabole hodai din ke

Bacha khan Isor laga, jitya apuni uthe phujir te, apuni dhanyabad koribo lage aru prathana koribo lage: “Isor, dhanyabad ase apuni ke anugrah te Diya karone notun din ami laga jibon te. Modot koribi ami ke Isor, bitabile itu ke Apuni karone aji. Thik shuru pora din laga loi kene rati homoi tok, hobole dibi Apuni laga maujudgi, milap, Shakti, anugrah, Daya ami uporte.

Aji dhyan koribole laga Pobitro kotha tu hoile (Luke 19:42)“judi apuni janishe koile, apuni bi, khas kori kene itu apuni laga din te, saman khan juntu bonai apuni laga Shanti karone!”