May 08 – VAJAALON ANDHARO

Agadiyar grandh 1 :4

Dev vajalen dittojana vu hacho vethi. Dev vajalena andharena ver kido.

Dev vajalena acho kan dittoju andhren acho kan ko koni.   Vajalo cheni jetha andharo phelajavacha. Vajalena jor chaju andharena jor cheni. Andharen cheti karan jhankajako ashis dero jor vajalenaj cha.

Dev vajalemathi andharen ver kido. Dever beptavo vajalemathi andharema chaler  pharaken valakeval renu. Kanna apan Yesu Prabhun apaner rakshakar nai viswas kidechako jannathi apan andharethi cheti ven yee loker mando kamethi ver vethanu Dever vasu pavithar vagi banchen seeklenu.

2 Corinthivalun 6:14-15 tham aviswasivuthi jodavomath, niyathethi bana niyathena kai joda cha? Vajalena andharethi kai hasso cha?.  Christhuthi Beyalena kai dosthi pan cha? Aviswasithi  Viswasin kai vento cha? Kan Prabhu Yesu puchrocha.

Ajji 2 Corinthivalun 6:17 vachanema  jethi tham vunder vachethi nikalan nali ven apavitharena cheepomathka kan  agna derocha. Andharo papenan sarapena dakalacha. Jada. Manikya andharen yista kareni kassen katho vu andharema visha parugulu Ajji chorichapari chalen sadya chajethi.

Sadhu Sunder Singh kajako Dever sevak yek kithabema Hannu lakkojen ma vanchotho, Yeklo yekanthavasi ra vona vajalo katho padeni, vu Assal vajalenaj deknu kan asa cheni. Jana vu Yekloj yek andharer guhama jathanu ma andharoj dekuniju banchanu kan massaj varas voma vetho. Yek dad vu bhar ayen prayathna kidotho vor ankina yee vajaler kiranalen deker vikoni jethi vor doi anki andhi vegi, vor pacher dad vu jada kastathi bancho kan kelayo.

Hannuj apan sada Christhur vajalema chavnujako nachalatho apan sada andharer kholama kannai rervasu bhega jamacha kan herdemellenu.

Ajji jada dhyan Karen pado  2 Samuel 22:29