May 02 – SURU TE ISOR !

(Genesis 1:1) “Suru te Isor nirmaan korishe swarg khan aru prithibi ke”.

Poila byko Bible laga porichay dishe ami khan ke Isor Pormeshwor laga. ‘Elohim’ ase hobdo cholai Diya Hebrew basha te. Itu hobdo ‘Elohim’  Mane Sobse Uncha, Hekh nahua, sob jaga te thaka, aru Mahaan Pormeshwor.

Tate ase ekta hobdo notun itu hobdo ‘Elohim’ -itu ke likhe Bishi laga hobdo. Itu poila byko shuru hoi Bishi hobdo aru hekh hoi ekla laga hobdo te.

Genesis 1:1 koi “Elohim (bishi’ nirmaan  korishe (‘Tai’ – ekta) swarg khan aru prithibi. Itu  hosa bi achurit ase. Hoilebi Tate ase Divya icha pura koribole ekta bishi hobdo ekta kisim te. Itu ase kilekoile Isor icha kore dikhabole Tai nijor ke ekta triek Isor hisab te: morom kora Baba Pormeshwor, Tai laga anugrah Putro Isor Jisu, aru milap korai Diya Pobitro Atma milishe iki logote ekta Isor te.

Jitya apuni Sai rossi ke cholai thaka uthabole Pani ke kuha pora, itu ke bonai tinta pora aru gathe ekta te. Itu nishina ki ami khan dikhe ‘Elohim’ ke ekta Khali hosa Isor te ( John 17:3). Itu iki pahar khan ase dangor ekta pahar laga. Ki ami khan uthai ami khan laga suku khan ke kote pora ami khan laga modot ahe?

Judibi Baba Pormeshwor nirmaan korishe ekta khan adesh pora, Shakti Pobitro Atma laga lagishe dorkar pura koribole utu nirmaan ke. Jitya prithibi thakishe iku akaar nathaki kene; atma Isor laga uri thakishe mahaan pora Pani laga uporte.

Jitya Baba adesh dishe “hobole dibi puhor”, shakti Pobitro Atma laga nirmaan korishe puhor ke. Isor koi; aru Pobitro Atma aghe jai; Ure upor te; aru nirmaan kore. Itu ase achurit nirmaan laga.

Baba Pormeshwor; Tai laga Putro aru ami khan laga Isor Jisu; aru Pobitro Atma thakishe nirmaan kora homoi te. Itu tinta bi ase ekta. Chela  John likhe inika: “surute thakishe hobdo aru hobdo thakishe Isor logote, aru hobdo thakishe Isor. Tai thakishe surute Pormeshwor logote. Sob saman khan bonishe Tai dwara, aru ntahki kene Tai iku bona nai juntu bonaishe”. (John 1:1-3) itu podh khan itu hobdo ‘hobdo’ ke koi Isor Jisu ke.

Bacha khan Isor laga, Baba Pormeshwor,bisor Jisu aru Pobitro Atma ase apuni logoy. Aji bi, Elohim ase apuni te Tai laga nirmaan kora Shakti logote. Tai nirmaan kore notun gau laga hisaa khan ke; kisim kisim laga uttamta khan ke apuni te; aru bonai barhibole sob juntu dorkar ase barhibole apuninte.

Aji dhyan koribole laga Pobitro kotha tu  hoile (Acts 2:22) “manu Israel laga, huni hi itu hobdo khan ke: jisu Nazareth laga, ekta mota lagaishe apuni ke Isor pora chamatkar te, achurit khan te aru chin khan te juntu Isor korishe Tai dwara apuni majete, jinika apuni nijor hi Jane”.