Apr 29 – NAHAKKI YUMDA!

“Nahakki yumda leiriba misingdi yaiphabani,nahakpu adum thaggattuna leigani.. Selah” (Psalm 84:4).

Yum haibasigi wahei asida maru oiba wahanthok manga leibani. Ahanbada yum asidi nahakna leiriba mapham adudi. Tamilda su hainaba lei haibadi   uchi phaosu leipham yum darkar lei. Rented houseta leiria misinggi awaba mayam eikhoina khangi. Nahakna leiriaba mapham khudingmakta thongnaosing amadi yumthakta oirabasu Jesugi ee adu khiktokpiyu. Maduna sibagi paopuba adu athingba pigani.

Anisubada,masi imung manungni. Imung asida matei manao, amadi angangsing yao-i. imungbu semgatpiba adudi Prabhuni. Adamgi damakta mateng oinaba Evebu  pibiramba, amadi bor pibiduna masing yamkhat hanba Iswar aduna nahakki imungbusu wangna thanggatpigani.

Ahumsubada, yum haibasi nahakki hakchang adu takle. Masigi hakchang manung asida nahak leiribani. Aduga nahakki hingba amadi thawaibusu ni. Nahakna Jesu Christabu lousinduna arankhubam phangba matamda nahakki hakchang manung asi Iswargi leipham oirabani. Sastrana hai, “masigi athuppa asi matik mangalgi ashani, Christada leiriba nakhoida leiribani.” (Colossians 1:27)

Marisubada, yum gi arthadi Iswargi ningnasangni,maduda thajabasingna punduna  Iswarbu achumbada amadi thawaida khurumlibani. Eikhoina mapham aduda Prabhubu unei, aduga mahakki loinabiba adu phangjei.  Prabhuna eikhoigi haijabasu tabi, eikhoigi darkar leiba khudingmaksu pibi, eikhoibu bor pibi, aduga mahakki ningnasangdagi mapung phaba khudolsu pithoklak i.

Ningthou DAvidna hai, “ Iswargi ningna kasi haina eingonda hourakpada ei yamna haraorammi.” (Psalm 122:1).

Manga subada, yum asidi swargagi yum natraga lomba naidaba leiphamni. Sastrana hai, “ eikhoigi nagarik ti swargada lei,eikhoina kanbiba mapu Jesu Christabu khourangna ngaijari.” (Philippians 3:20)

Prabhu Jesuna hai, “ eigi Ipagi yumda leipham mayam leibani, madu oidrabadi eina nakhoida hairamgadabani. Eina nakhoigi damakta leipham thourang tounaba chatli. Eina nakhoigi damakta thourang touba chatpa oirabadi eina amukka laktuna nakhoibu eigi inakta lousinbigani. Eina leiphamda nakhoisu leiba yanabani.” (John 14:2-3)

Psalmski lairik asida malemda Iswarbu thagatpa eseina thalli.  Aduga Revelationgi lairaik asidi swargada Iswarbu thagatpana thalli. Iswargi machasing eikhoina taibangpandasu amadi lomba naidaba SWardasu Iswarbu thaggatkani.

Dhyan tougadaba: “eina Jehovahda hiram amakhak nijei, eina madu thijagani, eina Jehovahgi yumda eigi punshi chuppa leijanaba, eina Jehovahgi ningthijaba yengjanaba, aduga mahakki ningnasangda dhyna toujanaba.” (Psalm 27:4).