Apr 21 – MOROM KORIBI ISOR KE!

Deuteronomy 6:5 “apuni koribo lage morom Isor apuni laga Pormeshwar ke pura apuni laga mon di kene, apuni laga atma di kene, aru pura apuni laga tgot di kene”.

Narukhibi khali pai kene morom ke Isor laga. Hoilebi apuni morom koribo lage Isor ke aru sonman koribo lage Tai ke; aru prashansha koribo lage Tai ke aru anondo koribo lage.

Pobitro kotha te koi, “Tai ke jun morom korishe ami khan ke aru dhulaishe ami khan ke ami khan laga paap pora Tai laga nijor khun te, aru bonaishe ami khan ke raja khan aru pundit khan Tai laga Isor Baba te, hobole dibi Tai ke mahima aru adhikaar hodai din karone. Amen.” (Revelation 1:5-6).

Christianity ase ekta dhram Morom laga; itu khali dharm nahoi jana laga morom ke isor laga, hoilebi nirnatar dikhai morom ke Isor laga. Apuni aru ami ke matishe pabole morom ke Krista laga aru dikhabole iki ke prithibi ke.

Aji kali laga din khan te manu morom kore nijor ke. Morom pora nijor laga gau laga icha khan  te, tai khan khai kisim kisim laga khana khan te bhorta kori kene. Tate ase kunuba khan jun khan morom kore khali nijor laga porivar khan ke.

Hoilebi ami khan dibo lage ami khan laga poila aru pura morom Isor ke. Tai ase Ekjon jun bonaishe ami khan ke. Tai dishe Tai laga jibon ke ami khan karone. Tai ahishe bisari kene ami khan ke aru loishe ami khan ke. Tai dishe hekh laga boondh ke bi khoon laga ami khan karone. Aru kinika ami khan nokoribo morom Tai ke?

Pobitro kotha te koi, “Tai jun morom nokore najane Isor ke, kilekoile isor ase morom” (1 John 4:8). Tate ase kunuba jun buje itu ke galat hisab te aru koi ki morom ase Isor. Morom ase ekta charitra isor laga; aru ki morom juntu bahe isor pora apuni  phine. Isor ase morom; aru Tai nirmaan korishe sob kilekoile morom pora. Sob nirmaan khan ke korishe nirman kilekoile tai laga morom pora- suraj aru chandh, tara khan, pahar khan aru hawa ke bi.

Judi ekta Christian ke nai morom isor laga tai te, tini hoile tai hobo napare Christian. Itu kaorne kile Chela Paul likhishe ekta khas adhyay morom te- Adhyay 13, poila Corinthians laga. Tai shuru kore itu adhyay ke itu koi kene, “judi bi ami koi anya basha logote manu laga aru swarg duth khan laga, hoilebi nai morom ke, ami bonishe ekta awaz kora pital nahoilebi hili thaka saman” (1 Corinthians 13:1)

Jitya isor pora diye atmakarik uphar khan ke aru Shakti khan ke kunuba manu khan ke aru kore mahaan achurit khan ke tai khan dwara, tai bone bone ghamandhi tai khan laga mon te aru harai loi tai khan laga poila morom ke. Tai hare sonman koribole dusra khan ke. Hoilebi itu iku kaam nai  morom nathakile.

Bacha khan Isor laga, hobole dibi morom ke Isor laga uthabole apuni ke apuni laga morom te; apuni laga girja te aru apuni laga mantralay te. Christianity nathaki kene morom tu nahoi chriatianity.

Aji dhyan koribole laga pobitro kotha tu hoile 1 John 4:10 “itu morom te, nahoi ki ami khan morom kore isor ke, hoilebi ki Tai morom korishe ami khan ke aru pothaishe Tai laga Putro ke hobole ekta bolidaan ami khan laga paap khan nimite”.