Apr 21 – PRABHUBU NUNGSHIJOU!

“Nahakki Iswarbu nahakki thamoi apumbada,thawai apumbada, amadi nahakki leijba  panggal apumbada nungshijagadabani.” (Deuteronomy 6:5).

Iswargi nungshiba adu phanglaga loire haina khanganu. Adubu Iswarbu nungshiba amadi ikaikhumnabagadabani, aduga mahakpu thagattuna haraojagadabani.

Sastrana hai,” aduga thajaba yaba sakhi, asibasingdagi hanna pokpa amasung taibangpangi ningthousinggi mathakta mapu oiriba Jesu Christadagi nakhoida thoujan amasung ingthaba leisanu, eikhoibu nungshibiba amasugn eikhoigi pap pumnamakpu mahakki eegi mapanna sengdokpiba, aduga mahakki mapa Iswargi maphamda eikhoibu ningthousing amasung purohitsing oihanbia mangonda, matik mangan amasung panggal matam pumnama leisanu. Amen” (Revelation 1:5-6)

Christianity haibasi nungshibagi dharmani, masina nungshiba adugi mahao tangla ga tokpadu natte, adubu masina Iswargi nungshiba adu phongdoktuna leigadabani. Nang eisi Christagi nungshi adu lousinduna taibangpan apumbda sandokkadabani.

Houjikkan asidadi miisngna masana masabu nungshijare. Makhoina makahoigi hakchang bu nungshijarubagi damakta makhoina makhal kayagi chinjakpu chare. Aduga kanagumba misingna makhoigi imung khaktabu nungshiduna ateidi nungshidaba lei.

Adubu eikhoina eikhoigi khwaidagi ahanba amadi mapum phaba nungshiba adu Iswarda pigadabani. Mahakna eikhoigi damakta mathawai pibikhibani. Mahakna eikhoibu thinaba lakpani, aduga mahakna eikhoibu konsibire. Mahakna eikhoigi damakat mahakki aroiba eerik aduphaoba pithokpikhi. Aduga mahakpu eikhoina karamna nungshiroidabano?

Sastrana hai, “nungshidaba mahak aduna Iswarbu khangde,maramdi Iswardi nungshibani. (1John 4:8) kanagumba mi kharana masi lanna handoktuna nungshiba asi Iswarni hai.  Nungshiba asidi Iswargi lamchatni,aduga maduna Iswardagi madugi nungshiba adu nangonda chensinbani. Iswardi nungshibani, mahakna khudingmaksi nunghsibagi damakta semkhibani. Numit, tha, thawanmichaksing amadi ching, amadi nungshit asinachingbani.

Christian amana Iswargi nungshiba asi mahakki nungda leitgrabadi mahak Christian oiba yaroi. Aduna Pakhonchatpa Paulna nunghsibagi maramda yamna maru oiba akhannaba oiba chitthi irammi, madu ahanba Corinthians ki chapter   tarahumdoini. Mahakna madugi chapter adu asumna houduna hai, “eina mi amadi dutsingi londa wa nganglabasu, eina nungshiba asi leitrabadi eihak asi khingliba kortangumbani.” (1 Corinthians 13:1)

Iswarna kanagumba misingbu thawaigi khudol piraba panggal piba matamda makhoigi napan touraktuna makhoigi nungda nungshiba adu manghalli. Makhoina atoppa singbu ikaikhumnaba ngamlaktre. Nungshiba yaodaba thabak khudingmak asi arembani.

Iswargi machasing,nahakki imungdagi Iswargi nungshibana nahakpu nahakki imungdagi, churchtagi aduga nahakki ministrydagi lep khat hanba oisanu.

*Dhyan tougadaba: “masida nungshiba lei, eikhoina Iswarbu hanna nungshikhiba nate, adubu mahakna eikhoibu nunghsiduna  eikhoigi pappu kokpinabagi damakta mahakki machanipa adubu thabire.” (1 John 4:10)*​