Apr 18 – PARADESHIN PREM KARNU

Vu yadi Bap chenijenan raand beerevuna nev karan, paradeshin prem karan vunden daya dakalan chavunujako lathakodan devacha.

Apan paradeshin prem karnu kajako agna cha. Dhanin gonnir vacha anyonya prem renu, bepta yadibapen prem karnu, yadibap beptan prem karnu, bhai biyyana prem karnu, ajji Prabhu Apanen paradeshin prem karnu kan hakkam derocha.

Jethij Dimovupadesher grandh 10:19 thar paradeshin prem karnu kassen katho tham Aigupthema paradeshir nai vethe. Hebrivalun 13:2 Bhandejer sath thamsada bhandejernai vundena herde karlo, thamsada jeevadathi chokan malam karan bhaveti padevalena herde karlo.

Agediyar grandh 18:3-5 Abraham Dever sojan khano ghalo kan dekacha. Maro Prabhu thar sevakepar daya Ratho daatan jomath. Ma pani lavunchu taangen dholen, yee jhader heta bhesan araam lelo. Daasek khano lavunchu khalen thamar jaanen haraam palo,Yervasaj kunika tham maar dai ayekan ko.

Yetha Abraham paradeshir nai chajena kukan prem kido kunika. Saasij kenukatho vo paradeshi koni lapan Dever soja vethe. Yindena Abraham prem kidojethi Prabhu vona ashsis karnako. Jethi thu paradeshin cheti kareniju vunden prem karnu.

Yek dad Prabhu thona dekan Mathai 25:35 Ma bhuko rido tham manna khano dine, Ma tharsethi ro manna peeyen dine, Ma paralevaler nai rido tham Mann dai kidecho kan kevalo cha.

Mathai 5 :44 vachanema chaju paradeshin yekkaj Koni pan thar vyarivun sada prem karnu kan Prabhu kerocha. Apanen prem karajena prem karsakkacha lapan Apanen dwesh karajen sada prem karero vu kasta vacha. Athra vairivun sada prem kukan karnu kan kelerochika atho vu Dever premethij viyya. Vuj vathen apan Prabhu Yesu vu siluvama Bapu yindena maap kar yindena karrejako kai chako vunden malam cheni jethi map kar kan ko.

Ajji jada dhyan Karen pado Romavalun 12:20 Vujii thar vyari bukkethi Ratho vona baati da, vu tharasethi ratho vona piyena da, Thu hanu karajethi angarer bhebrena vor mathepar vundayechi.