Apr 18 – MOROM KORIBI NAJANA KE!

(Deuteronomy 10:18) “tai dikhai nyay baba nathaka khan ke aru vidvaah khan ke, aru morom kore NAJANA khan ke, diye khana aru kapra”

Ami khan ke adesh ase morom koribole NAJANA khan ke bi. Ami khan laga Isor adesh diye ki mota aru maiki ekdusra ke morom koribo Lage; bacha khan morom koribo lage ama baba khan ke; ama baba khan morom koribo lage tai khan laga bacha ke; aru bhai khan ekdusra ke morom koribo lage. Itu iki Isor adesh diye ami khan ke morom koribole aru dhyan rakhibole najana khan ke bi.

Pobitro kotha te koi, “itu karone morom koribi najana khan ke bi, kilekoile apuninthakishe najana Manu khan mati te Egypt laga”  (Deuteronomy 10:19).  Chela Paul koi, “napahoribi sabole najana khan ke, kilekoile inika korile kunuba najani kene saishe duth khan ke” (Hebrews 13:2).

Itu ase inika hisab te ki Abraham barhaishe morom ke Isor laga duth khan ke. Jitya tai dikhishe tinta Manu ke khara kori thaka,vtai polaishe tripol laga dorwaja pora lok koribole Tai khan ke, aru jhukaishe nijor ke mati te aru koishe,  “ami laga Isor, Judi ami paishe anugraha Apuni laga najar te, paar nakoribi apuniLaga naukar ke. Morom pora olop Pani anibole dibi aru dhulabole dibi apuni laga theng ke, aru ahram koribole dibi nijor ke gash laga nichete. Aru ami anibo roti ke, ki apuni taza koribole apuni laga mon ke. Itu pichete apuninpaar koribo pare, jinika apuni Abhishek apuni laga naukar  te”  (Genesis 18:3-5).

Sabi kiman tai morom korishe utu najana khan ke? Tai khan hosa te najana Manu thakanai hoilebi Isor laga duth thakishe. Abraham ashirvaad paishe Isor pora utu din te, kilekoile tai saishe najana Manu khan ke. Itu karone, naphelabi kun ke bi, hoilebi morom koribi aru sabi tai khan ke.

Titya Isor pora sabo apuninke ek din aru koi apuni ke, “kintu Ami thakishe bhukha aru apuni dishe aminke khana; ami pyas lagishe aru apuni dishe Pani, ami thakishe ekta najana aru apuni loishe ami ke bhitor” (Matthew 25:35).

Khali najana khan ke nahoi, hoilebi apuni morom koribo lage apuninlaga dushman khan ke bi. Isor pora adesh dishe morom koribole dushman khan ke bi(Matthew 5:44). Itu asaan ase aru prakritik dikhabole morom ke Jun morom kore ami khan ke.  Hoilebi itu Bishi digdar ase ami khan karone morom koribole kunba ke Jun ghrina kore ami khan ke. Judi inika ase, kinika ami khan morom koribo Jun yojna biya bonai ami khan khilaf te? Itu mumkin ase Khali Divya morom pora.

Sabi iman Bishi dushman khan ke khilaf te thaka Krista Jisu laga. Manu khan mana korishe Tai ke aru chunishe Barabbas ke chari dibole. Tai khan mangishe ki Jisu ke suli te charibole krus te.

Hoilebi Isor saishe Baba Pormeshwor ke aru koishe, “ Baba, khemai koribi taikhan ke, kintu tai khan najane ki tai khan kore”, aru prathana korishe tai khan karone. Itu ase Divya morom, aru morom apuni dusman karone.

Bacha khan Isor laga, hobole dibi inika Divya morom bhorta hoi giri bole apuni laga mon pora bi.

Aji dhyan koribole laga Pobitro kotha tu hoile (Romans 12:20) “ itu karone Judi apuni laga dusman ase bhuka, khilabi tai ke, Judi apuni laga dushman ase pyas, dibi tai ke pani”.