Apr 17 – THABAK ADU CHAOKHATTUNA LEIRI!

Ezra 5:8 Yee kam badan hachethi phelavaju chakan raj malama kariye.

Apaner kam anandethi Ajji vu apaner hathethi karajako kam badaju renu kan rajero Raj korlerocha. Hava apner Prabhur Prabhu seji par palan karevalo sey kam vor vagathema puro venu kelacha. Yee kam apan keldejako vagatheman keldejako jagema vejavatho vu ghan khushi lagacha kunika.

Hannu baden kai karnuko David bhakthidhar Geeder grandh 1:2-3 vachanema Yehovar Dharamshasthrema anand pavatho, rathan diyye vona dhyan karevalo manikya nashibdhar. Vu panir namaste rungalir bagal gaadan, vor dadema vor phal den, pan kamalenijako jhurer nai racha, vu karajako sey chalach.

Katho thu Dever vathen dhyan karan vona khyal karatho janna vaddan Thar kamen badalechi.

Hamar gharema kannai rothe rethanu anand cheniju banchrecha, kathra kasta padathoi hamar beptar jeevanema phaido cheni, kathra kam karathoi yek ghar thoi bhandler bhandlere koni, kathra jada sos karathoi yek navvo vyaparen shuru karer butha verikoni kan ankir hassuna redu karacha

Geeder grandh 127:1 Yehova ghar bhandenitho vona bandevaler kasta taaloj. Yesejithi mot vath thu thar Prabhur vumpar dhyas melatho janna Thar gharen bhandan Thar katmalena hubadevalo cha. Thar vumpar thuj adhar padan Prabhur vumpar adhar padokoni katho thu karajako seji phaido veni.

Nehemiah 2:20 Vachanema chaju Nehemiah asmanema chajako Devaj hamar kamen puro karacha kan gavai derocha. Yetha Devaj thar kamen vaddaju karevalo cha kan bhulmath.

Kanna vatho Canaaner vayyama angurer rass vegiko jana Yesu Prabhur yadi vu vayya karevaler kan ko, paamnevu kan ko, banduvule kan ko najavaju Yesu Prabhu kan agediya athanu ki. Jannaj Yesu Prabhu vor vagathema ghano acham kalar kamen kidoju dekacha. Vu panin angurer rasser nai badlanakan sejini ventetho vu rass agediyathin ghan majaarethi vethi kan seji kejen samlacha.

Ajji jada dhyan Karen pado  Philisthivalun 4:6 Tham kunsi vadir thoi haayi kareniju, solirvadi thamar arajen daller sthuthir sath vinathithin, norakarajethin Deven malam karo.