Apr 15 – ISWARNA EIKHOIGI DAMAK TA LEPPIRABADI!

“Eikhoina masigi maramda kari haini? Iswarna eikhoigi damakta leppirabadi eikhoigi maiyokta kana leigani?” (Romans 8:31).

Roman chapter 8 asida pakhonchatpa Paulna yamna challenging wahei ama hairammi, “ Iswarna eikhoigi damakta leppirabadi kanana eikhoigi maiyokta leppa ngamgani.

Iswargi maiyokta kana amatana leppa ngamloi. Yeknaba kana amatana Iswargi machagi maiyokta leppa ngamloi. Iswargi machasinggi maiyokta thenggaige haina hotnaba mi khudingmaktu machete machete taduna  makhoi keidoungeidasu leppa ngamlaroi.

Pakhonchatpa Paulna hai, “ Iswarna eikhoigi damakta leppirabadi”. Iswarna eikhoibu loinabiribra haibasi eikhoi isana khanggadabani. Eikhoigi papna eikhoibu  Iswargi maphamdagi lapna chingthokpiroigadabani. Aduga eikhoigi tukkachaningai oiba punshina maram oiduna mahak eikhoidagi lapthok halloigadabani.

Samsonna masabu Iswarna loinabiribra loinabidrabra haibasu wakhal tourude. Aduna mahakna tumbadagi hougatlaktuna asumna hairammi, “ hannagumna eihak nanthoklage”.  Adubu Iswarna mahakpu hundokpikhre haibadu masana khangjade. Aduga Samsongi aroiba punshi adu eikhoina khangi.

Iswarna eikhoibu loinabiribra haina isana isabu matam leiba khibikta cheksingadabani. Aduga eikhoigi thamoi asi nongsagumna thona phana leppa ngamgani haiba khangi.

Iswarna Davidpu loinabi haibadu masana   chap chana khangjei aduga mahakna asumna hairammi, “ Prabhudi eigi damakta leppani, eina kiroi. Mioibana eingonda kari touba ngamgani. Eibu teng pangbirakpa misingdagi Iswarsu yaobani. Aduna eibu tukkachariba misinggi mathakta eigi apamba adu thunggani.” (Psalm 118:6-7)

Sastrana hai, “ Iswarna nahakpu loinabirabadi, nahakki maiyokta semba khutlai amaat mahei yalloi, wayenba matamda nahakki maiyokta ngangba lei khudingmak nahakna aranba tahangani. Masi Jehovahgi manaisinggi phangpham thokpani, aduga makhoigi dharmachenba adu eingondagini, Jehovahna hai.” (Isaiah 54:17).  “ aduga makhoina nahakka lan soknagani, adubu makhoina nahakpu ngamloi, maramdi eina nahakka loinari, “ Jehovahna hai, nahakpu kanbinaba.” (Jeremiah 1:19)

Eikhoigi damak leppiriba Iswardi athoibani. Yeknaba masing thingamdabana eikhoigi maiyokta leplabasu eikhoigi Iswarna helli. Atiyagi thawaigi kangbu masing thingamdabasingna eikhoigi maiyokta leirabasu eikhoigi Prabhuna kanba helli. Sastrana hai, “ marmadi nakhoigi nungda leiriba mahak adu taibangpanda leiriba mangondagi henna chaobani.” (1 John 4:4)

Matam aduda Israel machasinggi mityengda Goliath adubu yamna chaorammi. Saulgi mityengda Goliath adubu lan athoubani,a aduga mahak mijao ni. Aduga Goliath ga changdamnaba mi singbu Goliathna khwaidagi henna chaorammi. Adubu Davidna Iswarbu mamangda thamduna yengba matamda Goliath bu yamna pikna urammi.  Mahakna thajabada laothoktuna asumna hairammi, “ Iswarna eigi damakta leppirabadi, eina kanabu kirugani, kanana eigi maiyokta leppa ngamgani.  Aduga Davidna Philistine nipa adubu yeithuduna hattoklamle aduga mahak maipaiktuna lan ngamba adu oire

Dhyan tougadaba: “eina waba matamda Iswarbu koujei, aduga Iswarna eigi khonjel tabiduna eibu apakpa maphamda thambire.” (Psalm 118:5).