Apr 10 – CHRISTHUR JEEVANEMA

Mathai 4 :11 Yidek Dever soja asamnethi athanu Prabhun seva kide.

Yesu yee jammipar manikyar Beta dakal aayojana vor mahimana pakthin melden, ghanathan vaibhavana chonaken Vorvuj taalo karlen, bayaro rupamena lelen, manikyaro saayar nai vethanu Dever sojathini thodsek halko vego kan vanchacha. Yesu Christhu Dever sojavuthi seva karalevalo. Apan vor chalanima chalaju Prabhu Yesur bagey sey hach khabarema lakkameleju sojavo vor sevama seva kideju dekacha.

Luka 2:14 sethi vunchero Deven mahiman, dharthima vor khatharer manikyapar samadhan veda kan Deven mahima kide kan Yesu Prabhu huyojana Dever sojavo asmanethi athanu gollavariyan dikan Deven geed bolan aradhana kide.

Mathai 2:13 vachanema Herod Raj nankya beptan karnakenu kelerojako vathen Yosepen sapnema dakan _Betan hathya karena Herod dhundacha, jethi thu vutan, balaanan vor yadina balalen Aigupthen dhasan jo, ma kajethanu tham votha ra kan ko. Herod margojer pacha, Dever soja Aigupthema Yosepen dakan, Thu vutan balaanan vor yaadina balalen hoto Yisraeleval malkena jo kan ko.

Mathai 4:11 vachanema chaju Yesu 40 dad vupavasa vethejana bhuth massaj vela ghalojema jayam palinojer pacha Dever soja aan Yesu Prabhuna seva kide. Mathai 28:2 vachanema chaju Yesu masanemathi vutesaru asmanethi sojavo athanu bhatan vothlathanu vor vumpar beteju dekacha. Vunden dekan Magdalene Mariya chamki jana thu chamakmath jaan yee khabaren chelavun ka kan ke.

Hannuj Aposthaler kam 1:11 Ye Galilayar Manikyavo, tham kassena asmanesam dekthey hubbecho? Thamar dayithi swargen vupadgojako yee Yesu, kim thamar ankir aanga swargena vupadgoko, hanuj hoto aavacha kan ke.

Ajji jada dhyan Karen pado Mathai 24:31 Vujji vu jorethi vaajajako thuthurar aatethi vu vor sojan melacha, vothi taalidojena sey asmaner yek mulathi vujjyek mulathanu chaari vadithi gola vacha.