Apr 09 – MAREMA CHRISTHU

Galathivalun 2:20 Christhur sath siluvapar margochu, abbepar banchrojako ma koni, Christhuj Marmayi banchrocha, abba ma jeevadama banchrojako jeevano manna prem karan, marvas vona vuj haval kidojako Dever Betaparer viswasethi banchrochu.

Papen map leleron paper jaalemathi vimochan payero doi vathen pharak cha. Kanna yek manikya Christhun viswas karachko jannaj Christhur loyeema dhorajavacha,ajji vu pavithar vejavacha lapan vor paper chaal mathram chaluj kariya.

Atho Abba kukan yee papethi bhar ayero? Asso paper sosepar jeyam kukan paliya? Aposthal Paul Christhur sath siluvapar margochu, abbepar banchrojako ma koni, Christhuj Marmayi banchrocha, abba ma jeevadama banchrojako jeevano manna prem karan, marvas vona vuj haval kidojako Dever Betaparer viswasethi banchrochu kan kerocha.

Daadi siluvasam dekan kanna Apanen apan Christhun haval karlachako janna apaner Juno papethi vimochan palacha. Yee siluvapar siluva ghalayero katho kai?

Apaner jeevadar heryek avayavalen Dever balipitapar samarpan karnakenu. Thar asan puro karevasu koni thar anki chajako lapan Dever khathar karaju thar ankin siluvama haval karer seeklenu. Vut parabhathij thar ankin pavithar vagi raju siluvama havaal karlenu. Voma Dusar kunsi thara galeej sos renu koni. Manna chala Bapu kan puchlastho thar ankin vor ankir nai badlavani karnakacha.

Hannuj thar sosan thar jeevadar bhagavun sada havaal karlenu. Viswasethi vunden siluva ghalnaknu. Aposthal Paul Romavalun 12:1 vachanema Hanu rethapar Mar bhaibanado, tham thamar jeevadana pavitharan Dever khatharer jeever Bhokaner nai havaal karnu kan, Dever dayathi thamen puchluchu Yeej tham karsakker Athmar aradhana kan kelayo.

Mar dallema papen jaag duni kajako saspan rakalden ma papepar jayam palenu kan thu kelastho jana Dev thona papethi avajako kunsi haanen na avaju jathan karacha. Mar mayin Mar sath Dever prasannatha cha kan anubhava karla. Galathivalun 2:20 Christhur sath siluvapar margochu, abbepar banchrojako ma koni, Christhuj Marmayi banchrocha, abba ma jeevadama banchrojako jeevano manna prem karan, marvas vona vuj haval kidojako Dever Betaparer viswasethi banchrochu kajako yek theeramana karlenu.

Yesu Prabhu Yohan 14 :19-20 Ma bancharojethi thammi banchocho, Ma mar Baper mayin, tham marmayin, Ma thamar mayi chajena vu daduma malam karliyo kan kerocha.

Ajji jada dhyan Karen pado Yohan 10:28 Ma vunden shaswith jeeven duchu, vo kannai haalveni, koithoi vundena Mar hathemathi khosler veni.