Apr 03 – DUI JON TE!

Luke 17:34 “ami koi apuni ke, rati te tate thakibo duita manu ekta bisna te: ekjon ke loi jabo aru dusra jon thaki jabo”.

Isor aha tu hoile hobole ase; aru Tai joldh hi ahibo ase. Itu ase ami  khan laga kaam tayar koribole Tai aha te. Isor pora koi bhal pora Tai aha laga 17th adhyay te Luke laga. Ami khan dikhke ki iki ghor pora, ekjon ke loi jabo Tai aha te; aru dusra jon ke chari dibo; aru ami khan bhabna kore itu ke mon te.

Isor Jisu pora koi duita manu ghumai thaka ke. Tate iku galat nai manu te ghumai thaka rati te, kilekoile neendh aha tu bishi zaroori ase sob jon karone. Judibi itu manu khan ke dikhe ghumai kene, tate bishi alag thakishe rasta te ekjon dusra jon pora jinika tai khan tayar hoi thakishe mon te.

Ekjon dusra jon bi bishi alag alag thakishe adot aru vyabahr khan pora. Ekjon ghumai thakishe tayar hoi kene uthibole awaaz te bajna laga. Jitya tai ghumai thakishe gau pora, tai laga mon uthi thakishe; icha logote hunibole awaaz ke bajna laga. Taia se uthi kene mon pora, akha kori Isor ke ghurabole iku homoi te.

Hoilebi dusra manu, dhyan thakishe ghurabole isor ke. Tai bhabna kore mon te, ‘shuru pora din khan te Krista laga, sob jon koi ase ki Tai ahibo joldh hi. Tai jun ahanai itya tok, ki Tai ahibo pichete? Itu biTai ahibo rati te?’ tai thake inika misa mishi laga bhabna khan ke tai laga mon te. Hoilebi aya! Utu manu ke chari diye pichete.

Duita maiki pisi thakibo iki logote. Mon ekta maiki laga bhorta ase swargya bhabna khan pora. Hoilebi dusra maiki ase bhorta pura prithibi laga bhabna khan pora. Poila maiki icha kore awaz ke Isor laga, judibi tate ase awaz pisi thaka laga; hoilebi dusra maiki ase bhorta prithibi laga chinta khan pora. Toh, utu poila maiki ke loi jabo aru dusra jon thaki jabo.

Duita manu thakibo kheti te. Ekta manu laga mon ase milapte isor logote. Tai prathana kori thakibo mon te isor ke kata homoi te, pothabole tai laga naukar khan ke, kilekoile dhan ase bhorta.

Hoilebi dusra manu sabo tai laga usor manu laga kheti ke aru bhabna koribo biya yojna khan ke suku joli kenne. Nahoilebi kobo mon te, “ahram te thakibi oh ami laga mon! ami jama koribo bishi dhan apuni karone; aru bonabo dangor bhoral ke”. Hoilebi aya! Kilekile akha nokora awaz khan bajna laga hunibo, prithibi laga manu ke chari jabo. Bacha khan Isor laga ki apuni ke bi pabo Tai aha te, judi itu hobo itya laga homoi te?

Aji dhyan koribole laga pobitro kotha tu hoile Matthew 24:44 “itu karone hobi tayar, kilekoile Putro manu laga ase hath te jitya apuni akha nakore”.