Mar 31 – PRABHU YESU JEETHOCHA

Colossivalun 2:15 Vu palanena, hakamena kam deniju karan, malam vaju nishanena dakalan, vundepar siluvathi jeethgo.

Heryek dad MANNAN samalesaru thamar vagathen derejako thamen sejini punaruthana Vojako Yesu Christhur namema subhalu kerochu. Aaj Yesu Prabhu siluvan jeethojako dad. Vu jeethojako Raj vencha. Siluvama marojako Yesu Apanen sejin jayamen demelocha. Dharam shasthrena sada apanesaru jeethgocha.

Colossivalun 2:14 Apanen aadoven, aagnathi Apanen vyarir nai rajako hather lakkanina haal karan, vona vacha reniju kadan, siluvapar mola maran Colossivalun 2:16,21 Vachanema jethi baati panir vadin, navvo dader vadin, amavaser vadin, sabbath dader dader vadi koithoi thamena nev Karen jag domath, manikyar nai, hevar nai chalan,, cheepmath, savaad dekmath, jhalmath kajako niyamena tham maanero kim?

Peedi peedivuthi aarijako agnavun vu Prabhu Yesu siluvama khile maran jayam denako. Agnavur hesser Prabhur krupathi premer kararen dinocha. Jesaru Juno agnavuthi Apanen kuni ninda ghalen cheni.

Dever vath Romavalun 3:20-22 Dharam shasthrethi papena papena malam karler gen avajethi, Dharam shasthrer Kamer vadi kunsi manikyayi Dever aanga niyathedhar veni. Hanu chajethi Dharam shasthar cheniju Dever niyath dakayocha; Vor barema Dharam shasthan bhakthidhar gavai dacha. Jesaruj Yesu Yohan 14 :6 Maaj vaat, Maj sath, Man jeev, Maar sava kuni Baper dai ayeni kan ko.

Vu siluvama Apanen ghano moto nasahaib malgicha kasen katho vu Prabhu dharam shasthrethi pakadan Papen sada jayam palidocha Hebrivalun 9:26 Hanu ridovathoi dharthi pedavijannathi vu ghano haptha vela pader vejavatho, hanu koni vona vuj bhokaner nai dedino jethi papena cheti karevasu, yee akharir dadema yekkaj haptha dakayo.

Vorsaruj mothethi hey moth thar kanto katha hey moth thar jayam katha chakan savaal karanken Apanen papepar jayam dethanu vu Prabhu mothemathi pavithar vagi jeethan vuncho vutojako Dado aajero punaruthanaro Dado.

Ajji jada dhyan Karen pad  1 Pethru 2:24 Apan papervas maran Niyathervas banchena, vor jeevada par vuj apaner papena siluvapar paldido, vor ghavethi tham varu vege.