Apr 01 – MONGSONG MARAKTA!

“Malem amasung madu thanna leiriba mamal yamba potsingna mongsongda leiba mahakki chanbiban  aduna  Josephki makokta bor heithasanu, machin manaodagi tongnanna leiriba mahakki lawai lutonda.” (Deuteronomy 33:16).

Mosesna Iswargi ming adu asumna hairammi, “ mongsong marakta leiriba Iswar”.  Aduga mahakna mayek sengna hairiba adudi Iswargi chanbiba asi  mahakki machasingi mathakta leigani.

Nongma Mosesna yaosingbu Horeb chingthakta sennaringeida Iswarna mongsong marakta achakpa mei oina uhallammi. Yamna angakpa adudi meigumna chakliba mongsong adu tumna chakthoktaba aduni. madugi mongsonggi mathakta Iswargi chanbiba leirammi. Aduga madugi mongsong adu  Israel machasing oirammi.

Iswargi misingna meigumna chaklaba lambida phaoduna chatlambasu makhoibu tumna chakthokloi. Makhoi adu meigumna chaklaba Phaoraba gi asobada chaktuna leirammi. Mahakna makhoibu tumna mangha ninglammi. Adubu Israel machasing, Egyptagi tekta kaidana thokkhirammi.

Masing thiba ngamdraba jatisingna Israel gi maiyokta thoktuna makhoibu manghanninglammmi. Babylongi ningthouna makhoibu mangtak hanninglammi. Phattaba Hamanna makhoibu phattaba khujil thourang touduna manghanninglammi. Romangi ningthou leibak apumbana makhoibu tumna manghanninglammi. Aduga Muslimna jatina makhoibu prithibigi mapham kayada chaikhai hanninglammi. Hitlerna makhoibu prithibidagi tumna mutthatning duna makhoibu poison chenba kada thajillammi. Egyptki president Abdel Nasser aduna makhoibu tumna manghangani haina wasak lourammi. Israel machasingna mongsongda leiriba Mahak adugi achanba phangbagi maramna makhoibu yeknaba kana amatanasu tumna manghanba ngamlamde.

Ngasisu nahak meigumna chaklaba changyeng kaya thengnaba su yai,aduga phattaba mi mayamna nahak amadi nahakki imungbu manghannaba wasak louba yai. makhoina officials achouba asang natraga maibi maibagi mateng louduna nakhoigi maiyokta leirambasu yai. nahakki imung amadi mongsong gi mathakta Iswargi chanbiba leibagi maramna makhoina nahakpu keidoungeidasu manghanba ngamloi.

Nahakna achakpa mei maym adu uba yai. adubu Iswargi chanbibana nahakpu loinabi haibasi khangu.  Nebuchadnezzar na Shadrach, Meshach amadi Abednego bu tumna chakhannaba mei adu saruk taret                                  sahallammi. Adubu makhoidi karimata sok lamde. Makhoina meinungda koichat chatlammi. Aduga mei aduna makhoi mathakta karisu panggal leiramde. Makhoigi mathakta meisut manam phao leiramde.  Madu MOngsong marakta uhallamba  Iswargi chanbiba gi mapanan oibani.

Sastrana hai, “maramdi Jehovah romda thammoi chumjaba makhoigi damak, mahakti akanbani, haia utnanaba, mahakki mit malem apumba sinthungna koiyeng yengi.” (2 Chronicles 16:9).  Iswargi machaisng, mongsong marakta uhallamba Iswargi chanbiba adu nahakki mathaktasu leibani.

Dhyan tougadaba: “nahakna isingda landuna chatpada, ein anahakka loinagani, aduga turelnsing landuna ch atpada, makhoina nahakpu thumhatloi, nahakna meinungda chatpada, nahak chakloi, meirinasu nahakpu wairoi.” (Isaiah 43:2)