Mar 30 – JESUNA MI KHUDINGMAKKI DAMAKTA SIBAGI MAHAO ADU TANGLE!

“Adubu mahakna sibagi awaba khangbagi maramna houjik matik mangan amasung ikai khumnabana luhup uppiraba, swargadutsingdagi khara nemthathalllaba Jesu adu eikhoina ui. Sibagi awaba khangba asi Iswragi thoujandagi mi khudingmakki damak mahakna sibagi mahao tangnabani.” (Hebrews 2:9).

Israel machasingna Marah gi isinggi mahao adu tanlammi, madu kharammi, aduga makhoina madu thakpa ngamde aduga khourangbasu kokpa ngamlamde. Adubu eikhoigi Prabhuna kwaidagi kharaba siba adugi mahao adu tanglammi.

Pakhonchatpa Paulna asumna irammi, “ Prabhu Jesuna eikhoigi khudingmakki damakta sibagi mahao adu tanglammi. Madu nang eigi damaktani.  (Hebrews 2:9).  Mahaka sibagi jubraj adubu manghalle,madu Crossta sibagi mapanna touba ni. Mapunsi chuppa sibabu kiduna pullaga leiraba misingggibu thadoknabagi damakta adu toukhibani. (Hebrews 2:15).

Prabhu Jesuna pung tarukki manungda Crossta yallaga leiba adu nahakki wakhalda munna khanbiyu. Mahakna Cross thakta awaba khangba adu wakhal tou u. mahakna awabaga loinana Crossta yallaga leiba matamda makhoina mahakpu asinba amadi akhaba adudi yansinduna pithakpirammi, aduga mahakna madu tanglammi.

Iswargi machasing, sibagi mahao  tangba haibasigi wahanthokti eikhoigi Iswarna khangbani,aduga mahakna sibagi akhaba adu khangi. Nahakna sibagi marum da chatpa matamda sibagi mahao tangkhraba Prabhu adubu ningsingbiyu. Prabhu Jesuna madugi asiba adu lan ngambada yotsinkhre. Nahakna sibagi marum gi amambada chatpa matamda Mahakna nahakpu loinabi. Aduga Mahakki minglengi damakta Mahakna nahakpu achumba lambida chingbiri.

Mioibagi mityengda siba asidi Iswargi mityengdadi chumnagi tumba oibani. Aduna Paulna thajabasingbu thougatpa matamda, asumna irammi, “ tumkhrabasinggi maramda nakhoina karisu khangdana asa karisu leitaba misinggumna wakhal waduna leigadaba asi eina pamde.” (1 Thessalonians 4:13)

Masigi wahei asi gi maram karino? Prabhu Jesu sikhi, mahak hinggatle,aduga mahakpu thajabasingbusu matou adugumna hinggatkani. (1 Thessalonians 4:16).  Prabhugi numitta Christada sikhibasingbu ahanbada hinggatkani. Aduga madu maru amana leibakpu thugaiduna hougatlakpagumba oigani.

Lou uba mi aduna asha ga loinana maru hulli, masigi maru sing asina nongmadi leibakpu hogairaktuna hougatlakkani haiba asi asha toujei. Maduga chap manana asiba hakchang adusu maru amagumna hunba matamda, madu siba naidana oina hinggatlakkani. Aduga madugi hakchang aduna lomba naidaba adugi mapham adu phanggani.

Sibabu maithiba piriba Jesubu nahakka loinari. Aduna sibagi akiba aduna nahakpu laksinba ngamloi. Mahakna sibabu maithiba pirabani, mahakna lan ngambada asibabu maithiba pibire. Aduga mahakna siba amadi hingbagi sojei pairabani.

Dhyan tougadaba: “nahak kiganu, eihak ahanba amadi  aroibani. Eihak sikhraba aduni adubu eihak hingli aduga lomba naidana hinglaga leigani. Amen. Eina khamnung leiba amadi sibagi sojei pairi.” (Revelation 1:17-18)