Mar 30 – JISU CHAKHISHE MRITYU SOB JON KARONE!

Hebrews 2:9 “hoilebi ami khan dikhe Jisu ke, anugrah pora Pormeshwar laga, ki chakhibole mrityu ke sob jon karone”.

Israelites khan chakhishe pani ke Marah laga; itu thaksihe tita; aru tai khan itu ke khabole paranai, aru bujhabole paranai tai khan laga pyas ke. Hoilebi Isor pora chakhishe mrityu juntu thakishe bishi tita.

Chela Paul pora likhe, ki Isor Jisu chakhishe mrityu sob jon karone. Tai chakhishe aru bhugishe mrityu apuni karone aru ami karone(Hebrews 2:9).tai khotom korishe rajkumar ke mrityu laga, mori kene Krus te.tai korish itu ke charibole tai khan ke jun khan bhoi dwara mrityu laga thake bandhi hoi kene jibon bhor.(Hebrews 2:15).

Anibi apuni laga mon  te, pura ghatna ke choi ghanta laga, jitya Isor Jisu ke tangi dishe Kruste. Bhabna koribi tai laga bhuga ke Kruste. Jitya Tai tangisxhe Krus te dukh pora, ta khan dishe Tai ke tenga dagras kapra te lagi thaka khabole; aru Tai khasihe itu ke.

Bacha khan isor laga, ami khan laga Isor jane ki ase chakhibole mrityu ke; Tai jane tita ke mrityu laga. Jitya bi apuni berai Chaya te mrityu laga, bhabna koribi ami khan isor laga jun chakhishe mrityu apuni karone. Isor Jisu khaishe utu mrityu ke jit pora. Tai ase Ekta jun berai apuni logote, jitya apuni berai ekla Chaya te mrityu laga. Tai dilasa diye apuni laga atma ke; aru tai dikhai rasta ke dharmikta laga Tai laga naam karone.

Mrityu ase manu laga bhabna te; itu ase khali ghumai ja isor laga hisab te. Itu kaorne kile chela Paul, jitya tai ahram diye biswasi khan ke tai likhe: “hoilebi ami apuni ke najanai ke thakibo mon nai,bhai khan, utu kotha te jun khan ghumaiase, nahoilebi apuni dukh koribo jinika dusra khan jun khan ke nai iku akha” (1 Thessalonians 4:13).

Ki ase karon itu kotha laga?  Isor Jisu morishe; Tai uthishe;a ru itu nishina hi, jun khan more Krsita laga uthibo dubara(1 Thessalonians 4:16). Din khan te Isor laga, mrityu hoi kene thaka Jisu te uthibo poila. Aru itu hobo jinika bijon phuti ulai mati te ekta paudha hobole.

Khetiok khan phelai gitu khan ke akha te; tai thake akha ki guti khan juntu tai phealishe ulabo ek din mati pora aru hobo paudha. Itu nishina, jitya mori jag au ke phelai guti nishina, itu uthibo hodai din laga gau te. Aru utu gau pabo hodai din laga jibon ke.

Isor Jisu jun jitishe mrityu  ke ase apuni logote; itu karone bhoi mrityu laga nathakibo jit apuni uporte. Tai ase Ekjon jun jitishe mrityu ke; Tai khai dishe mrityu ke jit te;a ru tai dhure chabi ke mrityu aru mati niche laga.

Aji dhyan koribole lagapobitro kotha tu hoile Revelation 1:17-18 “nokoribi bhoi; Ami ase shuru aru Hekh. Ami ase Tai jun jiyai, aru morishile, aru thakibi, Ami ase jiyai kene hnodai dinkaorne. Amen. Aru Ami ke ase chabi khan mati niche laga aru mrityu laga”.