Mar 28 – LOYEEN PANI BHAR DAGARYAYI

Yohan 19:34 Vundema Yeklo sainik Prabhur pakthima barjithi phosado jana pakthmathi loyeen paani bhara aayi.

Yesu Prabhun pakthima barjithi phosadoju thon sada Dusar massaj haptha phosadu kariye. Vu jeevadan haal karer koni viyya lapan ghav ghaler vathe reja, thon khyal kareniju reja, thon chonakeja, thon dokha deja, balla vathe karan thonaj sathya naasema  chalayeja. Athoi asso vagathema thu kukan chalechiko kethanu sari asman dekricha.

Prabhu Yesuro pakthimathi bhar aayijako loyee vu Prabhun maran ghaav padejen maap karajena dekalacha. Epheseivalun 1:7 vu Prabhur krupar saavukar paner nai, Yesur loyeema pap maapver rakvaali yema apanena malocha kan vanchacha.

Yesu Prabhu kunvatho map kidoko hannuj thon sada dallen phodaju vathe karajen map karer seeklenu. Lapan massaj admi maap kareni.  Vo sape sarik buss buss Kan karthey Rees karukaracha. Christhuvaler nai chajako apanema mathram asso garab renu koni.

Yohan 7 :38-39 yee vachanema chaju Yesu Prabhur pakthima soja phosadojana loyeethi pakadan pani sada bhar aayo. Yee pani jeevaner nandi. Romavalun 5:5 kassen katho – Apanen malojako Pavithar Athmathi, Dever prema apaner dallema vundan chajethi, vu baroso Apanena lajema jayedeni kan vanchacha.

Apan papen map payecha vu Prabhu Yesur loyeemaj. Jethi apan sada ajjek kidejako papen map karevaler nai renu. Appler jhad kathra jada bhata maran khavu karathoi phal devuj karacha kunika. Vuj apple jhad Apanen Hannu keja, mar dosthi thu kathra jada bhata marathoi ma thona prem karan phelen dejrichu kan.

Ma yek kithabema vanchochu vu phosadojako sainiker nam Longinus kethanu vor ankipar Prabhur anmoler loyee radijana vor papen map puchlen vor jeevanen Prabhun havaal karlen moto sevak ven seva karan hathashakshi vego.

Ajji jada dhyan Karen pado Colossivalun 3 :13