Mar 25 – THAR NAM VUNDAMELEJAKO ATHARERO THELER NAI CHA

Solomoner geed 1:3 Thu lagadojako atharer thel suvanthen dericha, Thar nam vundamelejako atharer theler nai cha

Prabhu Yesu Christhur namen dhyan kara. Ye namen Bap Devaj vor Yeklo betan padocha. Yeshaya 9:6 Vachanema Yesur namema Achamero Dev, sosen devalo,jorevalo Dev, shaswithvagi revalo, samadhaner raj kana cha.

Apan kanna Yesu Prabhun apaner sonth rakshakar nai sweekar Karajana vu Prabhu vor kapalepar apaner nam lakkan vor sonth betar dakal karlacha kan 2 Dinvruthanther grandh 7:14 vahanema Mar nam padmelojako jann ken balarocha.

Yohan 14 :13-14 Tham Mar namema kai punchathoi, Bap Betama mahima vena vona karuchu. Mar namema tham kai punchathoi vona ma karuchu kan bachan derocha.

Vor chelavun 16:24 Abbethanu tham Mar namema kaithoi puchekoni, pucho jana thamar khushi bharpur vena palocho kan Yesu Prabhu kerocha.

Yek chori pissatakkama kamjorema rethanu, padikoni katho, Yekvela vu chorina ameer admi Kunithoi vaaya karlatho vu ameerer nam vu thandrin padan vujji vor haalathaj badlavani vejavacha.

Hannuj Prabhu Yesu thar namen sada vuncho karan, samajema thona chavnujako motpanen maryadin laan devalo cha. Kasen katho yee sari jagepar vu Prabhun adhikar cha.

Jethi Yesu Prabhur namema badai kareja. Kanna thu araj karechiko jana yee Yesu Christhu Prabhun vacha mellen thona chavnujako vinathivun puchlenu. Yonan 16:23 tham Mar namethi Baper  dai puchajako kaiko, vona thamen dacha kan vanchacha.

Gener vath 18:10 Yehovar nam jorer ghad khila, niyathedhar voma dhasan jaan jathan karlacha. Thu lagadojako atharer thel suvanthen dericha, Thar nam vundamelejako atharer theler nai cha.

*Ajji jada dhyan Karen pado  Philippvalun 2:10-11 Yesur namema swargeran, dharthiran, jammir heta chajena heryeker godi Yesuro Yesuro namema vaalenan, Bap Deven mahima vena, Yesu Christhu Prabhu kan heryek jeeb prakat karena, sey namethini vuparer namena vona dedino