Mar 25 – Ahim-nam Jodna Sarummen ambrij Sarwmdam!

“Aman a sarummen a sarwmge boiboi sarwmdam; ahim-nam jodna sarummen ambrij sarwmdam. Anten asan poilong boijanji d’ong-nam timyimteji” (Solomon a Kanen 1:3).

Aten asan Anin d’ong-ben asaiben yiraiten. A s’in batte Anin d’ongben abdainate, do a Ondaman ambrij Anin dakutaben. Anin d’ong-ben madrite kuddub pintu-ben saring, a mihaman batte”. Arakadang-lingan saring (Jisaiya 9:6).

D’ong-ben janang kun amihaman batte jibjibte. Mandrengnaben Kitungan a s’i-lingan daku. Anin d’ong-ben gugudage a s’i-lingan dakutaben (Sanenken 8:1).

Amben a tanangte a s’i-lingan do ajingba janang. Yangam akkarjingan ambrij daku. gugudage a s’in batte abhanataben. Do buten d’ongben tabruje ranapti Kitungan a s’i-lingan saring (2 Birinda 7:14).

Kiutungan gamete: “amdangba, Jakubon a singan, do Israel maranji a s’ingan, karukudan saaring buten hen gardilai, yangan akampungling saring gardilai (Jon 14:13-14).

Talaibalaben janang, Hen Anin na, Do uuben palule janang Hen sagaltaben, Hen gabdilai, do Hen turdutaben; Hen sagaltaben (Jon 16:24).

Do ablutaben Yuyu-hen U’an-hen a d’ong gamte dile tordong. Apasijan ayam-ling, a d’ongan Kitungan abmele surpideten, angante anin hangan akampungling dakule.

Do anin garberle radudage Kitungan abarara abmele hangdramdamneten. Kan a berna a J’en-lingan saring adyirad. Do a dangarda ayam-ling janang, Kitungan anin abmele lumle. Kitungan galamle.

Do ganludle anin abmele barijloge. A baran abmele kuddub-lingan anin hangdramle idolben kambolanji. Kitungan anin abmele itente oskaile, amandrengna-lingan kuddub baranji abojoraile. Anin sanasaiben tiytaben do tunladage Anin tiytaben (Jon 16:23).

Kitungan a bernan appaile mandranji a d’ong absamangle (Bangsa Hanang 18:10). “Amdanga angante gudingtam, ranoitad Kitung-hen. Tanahimdam Kitungan a onagji, Kitungan a si-lingan amben bo surdadage.

Anin d’ongben agaja adkaridae. Do Anin mandrengna-ling-ben kuddub abojoraite. Tanimyiman batte. Kitungan sanaisai abararan abmele d’ongben.

Okiy Kinolbe absele: “Yante gamle ruang lingan, ordar lingan do ordaran a jaitan a dakulen a dile mandardi Jisun ahim lingan a turdumben dete na, do Ua Kitungan ba ganugu panemengan sapsele, Jisu Kristu Gamangtungan na gamle dile l’angan abpengbaben dete na” (Pilippi 2:10-11).