Mar 22 – THAKLIPAN ROGEVO

Mathai 8:17 Vorvuj apaner kamjorena palden, apaner dokkena khamlido.

Bhuthena chonakatho yee rog kajako thar shanthin khoslen thar jeevanema thaklipenan kalavaramena laan melacha. Yee rogevo jeevadama jada dukhamen ghalan vothi thar mathema ma kannai marjavunchu ko kan dhaken melnakacha.

12 varsethi pero chalrijako yek beer vu varu venu kethanu vor dai vethijako jammi jag sey venchanaki,athoi varu vikoni. Yek dad Yesu Christhur vacha athanu viswasethi vu Prabhur lathar chenguna cheeputho ma varu vejavunchu kan cheepan jannar jannaj varu vegijen dekacha. Luka 8:48 Jana Yesu – Beti himmath pala thar viswas thona varukido, shanthithi jo kan ko. Yesu Prabhu thar jeevadan varu karan, Thar dallema shanthi devalo cha.

Kanna thar jaanema jeevadaman Athmama barobbarethi rechiko jana thar mayithi dhak ghaler thaklip seji dhasan dagarjavacha.

Yeshaya 38:2-3 vachanema Raj Hezkia vor rogethi mother vacha vethojana, Dever vacha athanu godasaam vor munden pherlen Bapu yadharthar dallethi sathema thar sannidhima ma kukan chalochuko, Thar nazarema anukulavagi ma seji kukan kidochuko, krupathi herdelala kan Hezkia ankir hassuthi Deven araj kido kan vanchacha. Vu arajen samlojako Dev thar ankir hassuna Ma dittochu jethi thu banchajako daden Ajji 15 varas jada karuchu kan vor jeevaner daden jada denako. Abba Hizkiar dallema vethijako dhakethi aayijako thaklipena kanaken vor dallema shanthi paldo.

Navvo Kararer dadema apaner rogervasu jhurer cheni kassen katho apaner Prabhu Yesu vu siluvapar sey bharina paldidocha. Mathai 8:17 Vorvuj apaner kamjorena palden, apaner dokkena khamlido kan vanchacha. Yeshaya 53:5 apaner aparadher dos vor vumpar paldidocha vu padojako ghavethi apan varu vemacha.

Kannavathoi thona rogdokkema padjavasjana thu varu karuchu kojako Dever bachanen lelen araj karer seeklenu. Jana thona vu bachan dinojako Dev varu karan shanthin devacha. Yek vela yee rogdokken karan thar papan thu kidojako dos kan malam vatho vothaj thu pashchathapa padan papen chonaken Dever sam deknu.

Dever vath Geeder grandh 103:3-5 vu thar dosena sey map karan, Thar dokkena sey varu karan, Thar jaanena masanethi chodan, thona karunathin dayathi pankadina peran, Thu banchayathra dad achpanethi thona dhapacha, Thar motyarpan samellir navvo vacha kan kacha.

Ajji jada dhyan Karen pado Malaki 4:2