Mar 14 – VO VELA PADAVAJANA

Mathai 5 :11 Marvas jann thamena avamankaran, bhaveti padan, tharatharar bhandgaalir vathenan, labbarina thamapar daalajana tham nashibdhar

Yee lokema pap kareval ajjek vor sath pap karatho yista karacha. Galathivalun 4:29 Athoi jeevadarvadi pedavojako, Athmathi pedavojen sathayoju, abbi hannuj chalrocha kajako vath Dusar jatheval vunder papema na chalaju rethanu pavithar vagi banchen javunchu kelatho vunden vela ghalnu kan sos karacha.

Yetha gojako vachanema Prabhu Yesu niyathethi banchevalun vela avacha kan kerocha. Lapan abba niuthevsu thamen vela avacha kan kerocha. Prabhu Yesun vu kojako niyather bagey yekkaj vathema kerocha. Yesu Prabhur vasu vu Prabhur saru vela padero vu massaj mot nashibaj. Kassen katho vu Prabhu Niyathen bharpur karevalo cha.

Romavalun 8:7 vachanema Kimkatho – jeevadar vadir sos Devena vyari cha, vu Dever Dharam shasthrena maaneniju Maan sakkeniju cha kan vanchacha.

Mathai 5 :12 vachanema Yesu Prabhun yee lokema vela ghaleju, Juno Kararemar bhakthidharevun sada vela padaye kan kerocha. Khushi karthey anand Pavo, swargalokema thamar phal jada jada racha, thamar aanga rajako bhakthidharena hannuj bhaveti padecha.

1 Yohan 3:12 Cain vor bhayi Hebelen kassen marnako katho vor kam keedethin,vor bhayir kam niyathethi rajethij kan vanchacha. Yosep sada vor bhayithin jada niyathevalo vethojethi vor bhayiyu von Aigupthen bayar nai venchnake. Vimochan grandh 14:11 Mosen virodha chali. Samuel vor sonth valaj cheti karnake kan 1 Samuel 8:5 dekacha. 1 Rajer grandh 18:17 Eliyan avamaryadi vegi.1 Rajer grandh 22 :8 Micahpar Rees kide. Nehemiah 4:4 Nehemiah virodha chali.

Philisthivalun 1:29 kassen katho Christhuma viswas karenaj koni pan vorvas bhaveti padeni thamen dencha. Yohan 15:19-20

Ajji jada dhyan Karen pado 1Pethru 2:20