Mar 13 – SWARGYA ASHIRBAAD!

Matthew 5:10 “ashirbaad ase tai khan jun khan ke ashirbaad korisxhe dharmikta karone, kilekoile tai khan laaga se rajyo swarg laga”.

Ekta psychologist koishe, “apuni bodli koribo pare nijor ke; aru apuni anibo pare unnati apuni laga jibon te. Apuni laga unnati aru sonmaan ase apuni laga hath khan  te.”aru dusra psychologist koishe: “judi ekta biya manu bodle bhal manu te, tai khara hobo lage agete aina laga hodai phujir aru kobo lage aina ke ki tai bodli ase hodai din. Judi taikori thake itu ke hodai din, tini hoile tai hosa bi bonibo ekta bhal manu”.

Itu kotha khan hobo pare hosa. Hoilebi hosa ki ase: “ami khan kitya bi nijor ke bodlabole napare. Ami khan uthabo napare nijor ke mati pora. Ami khan chutkara koribo napare nijor ke shati pora aru biya khan pora satan laga. Khali Krista bodli koribo pare ami khan ke; aru khali tai dhuribo pare ami khan laga hath khan ke aru uthabo pare ami khan ke”.

Manu kityabi nabone ashirbaad daik nabone nior laga sesta pora. Khali jitya ekta manu berai rasta te isor laga, hobo ashirbaad daik. Itu ase  swargya ashirbad; aru asirbaad juntu dibo anondo hodai din laga.

Sobse poila majete itu khan laga ase jun khan ke atyachar korishe ase poritran paa aru Isor Jisu Krista; jun thake hodai ami khan laga rasta dikkhai diya hoi kene. “Tai ahishe Tai nijor pora, aru Tai laga nijor pora Tai ke loanai” (John 1:11). Tai dishe Nijor ke anondo pora bhuga khan te aru atyachar khan te.

“ami diye Ami laga pith ke jun mare Ami ke, aru Ami laga gaal khanke tai khan ke jun ulai ami laga dari ke; Ami nalukai Ami laga chehra ke sorom pora aru thuka pora” (Isaiah 50:6). Kile Isor jun ahishe niche itu prithibi te dikhabole dharmikta ke, bhuga aru atyachar ke iman? Itu ase khemai laga uddesh  ami khan laga paap laga dibole aru koribo le ami khan ke ashirbaad.

Isor Jisu koishe, “aru apuni ke ghrina koribo Ami laga naam nimite” (Matthew 10:22). “titya tai khan dibo apuni ke atyachar te aru morai dibo apuni ke” (Matthew 24:9). “judi apuni thakishe prithibi laga, prithibi pora morom koribo tai nijor laga. Hoilebi kilekoile apuni nahoi itu prithibi laga, hoilebi Ami chunisxhe apuni ke itu prithibi pora, itu karone itu prithibi apuni ke ghrina kore. Judi tai khan atyachar korishe Ami ke, tai khan koribo atyachar apuni ke bi” (John 15:19-10).

Apuni dikhai JisuKrista ke, Tai laga puhor jole apuni laga bhitor pora. Itu  puhor jilike andhera te, aru andhera najite tai te. Hoilebi tai khan ke jun khan kore sesta itu prithibi logote aru loi rasta khan ke itu prithibi laga tai khan napabo iku atyachar. Tai khan jiyabo prithibi laga hisab pora; aru jiyabo pritbi karone, aru hekh te tai khan ke tupai dibo Christian nishina cemeteries te; hoilebi tai khan kitya bi napabo hodai din laga jibon ke. Bacha khan isor laga, sob atyachar hua khan juntu apuni bhuge dharmikta karone ghurabo ekta dangor uphar te.

Aji dhyan koribole laga pobitro kotha tu hoile Micah 6:8 “o manu ki Isor icha kore apuni ke hoilebi koribole nyay pora, morom koribole daya ke,a ru berabole nomrota te apuni laga Pormeshwor logote?”.