Mar 08 – THAMOI SENGBASING!

“Thamoi sengbasingbu yaiphabani, maramdi makhoina  Iswarbu ujagani.” (Matthew 5:8).

Nungshibagi ithil, akibagi ithil, thouna leibagi ithil,asaobagi ithil amadi haraobagi ithil khudingmakki poknaphamdi thamoini. Thamoi asi minamba oiduna phattaba oirabadi, maduna misinggi damakta awaba ana thokhangani.

Taibanggi oiba lunanba asi eikhoina khangi. Eikhoina nungti khudinggi imungbu teithok sitthokpa tou i. aduga sengdok li. Eikhoibu   sengdoknabagi damatka numit khuding irujei. Eikhoigi officetasu lunanbagi thabak asi tou i. government nasu eikhoigi prajagi oiba maphamsing asi lu nanna thammi. Lunanbagi thabak si watpana maram oiduna anabagi thokpa yabagi maramna  governmentna masigi maphamsing asi asengba oinaba katna hotnei

Adubu thamoi sengbasingbu kana oibage? Makhoi asi Jesu Christagi eeda  chamthokpikhrabasingni. Makhoibu Thawai asengbada numit khuding thanduna leiraga taibangpangi amotpasindagi adum sengdokchabasingni. Makhoina awangba thakki aseng adu thiduna lei,aduga makhoibu Iswargi waheida sengdokchei.

Imung amagi manungda leiba matamda nungshitta pairiba amotpasingbu eikhoina uba ngamde. Adubu numitki mangalna karigumba kapsinlabadi amotpa mayamna nungshit marakta taoriba adu eikhoina uba phanggani. Aduga madugi amotpasing adu nahakki swar honbada honjillamgadra hainasu angakpa phaogani.

Maduga chap manana eikhoigi wakhal asida papki oiba amotpa mayamsing asi koipai paiduna leiri, aduga eikhoina madu eikhoigi icham chamba hakchanggi mitta uba ngamde. Adubu eikhoina thawai asengbagi mangal asi eikhoigi nungda ngalhanba matamda eikhoina   madu khangba ngamgani. Eihoina asumna  Prabhuda hangjaba matamda, “ O Iswar eibu thidokpiyu, eikhoi thamoi asi khangbiyu,aduga eigi nungda karigumba phattaba leirabadi lomba naidaba maphamda eibu chingbiyu. Adu oirabadi eikhoigi amotpasing adu eikhoina khangjaba ngamgnai.

Jesu Christagi ee yaodana pap mutthapa gi lambi leite, adug aeikhoigi thamoi sengnabagi lambi ate su leite. Eikhoina Calvary gi Cross ta chattuna eikhoigi pappu haidokpa matamda, Prabhu Jesugi eena eikhoigi paptagi chamthokpigani. Aduga eikhoibu dharmachenba oihanbada mahak thajaba yabani.

Asengba thamoi haibasida, amotpa amadi dharmachendaba karisu yaoba adu  nate. Madu taibanggi amotpa yaodaba thamoi haibani.  Aduga thoujalna thanba thamoi haibani. Iswargi machasing, nahakki punshida pandam kaya thamba yai. adubu nahakna  Thawai asengbagi mangal da thijillabadi Mahakna asoibasingbu nangonda utpirakkani.

Dhyan tougadaba: “aduna kanagumba mi amabu Christada leirabadi mahak anouba khutsem oire,ariba makhei chatkhre, khudingmak inou nourakle.” (2 Corinthians 5:17).