Mar 08 – POBITRO MON TE!

Matthew 5:8 “ashirbad ase pobitro mon te, kilekoile tai khan dikhibo Isor ke”.

Mon tu ase jonom jaga sob anubhuti morom, bhoi, utsukta, khong aru khushi. Judi mon ase biya, itu pora khali dibo dukh aru bhuga ke dusra nimite.

Ami khan jane motlob ke prithibi laga saph ke. Hodai, ami khan jaru kore aru mushe farsh ke ghor laga aru bonai itu ke sapha. Ami khan gau dhulai hodai. Ami  khan niyantran kore sapha ke office khan te bi. Sorkar rakhe sob samaj laga jaga khan ke sapha. Kilekoile sapa nathakile itu pora rog hobo, sorkar pora kore bishi kuchis rakhibole jaga khan ke sapha.

Hoilebi  kun khana se pobitro mon pora? Itu khan ase jun khan ke dhulaishe khun pora Jisu Krista laga. Tai khan bhorta ase Pobitro Atma te aru sapha kore tai khan laga atma khan ke sob dagi khan pora prithibi laga. Taikhan bisare agh barhibole uncha jag ate pobitrota laga; aru sapha kore nijor ke byko logote isor laga.

Ami khan nadikhe moila khan ke hawa ke ghor aga. Hoilebi judi tate ase upai suraj laga ujala ghusibole, titya ami khan dikhe hazarta dhul ke uri thaka hawa te suraj laga puhor pora. Aru apuni bhbna koribo pare ki judi apuni saans loi thakishe eki dhul hawa ke.

Itu nishina, bishi paap laga hissa khan uri thake ami khan laga bhabna aru kalpana khan te; aru ami khan chini bo napare tai khan ke samanya stithi te. Hoilebi jitya ami khan bonai jaga puhor nimite Pobitro Atma laga ghusi bole ami khan laga atma te, titya ami khan pare sabole aru bujibole. Jitya ami khan hude Isor ke “bisaribi ami ke, O Isor,a ru janibi ami laga monk e; aru sabi judi tate ase iku biya rasta ami te, aru loi jabi ami ke hodai din laga rasta te” titni hoile ami khan paribo janibole aru hoshiyar hobole ami khan laga moila pora.

Jisu Krista laga khun nahoile tate iku paap ke dhulai diya nai;a rut ate iku alag rasta nai ji pora apuni laga mon hobo spaha. Jitya ami khan jai calvary laga krus te; pachtava kore aru swikaar kora ami khan laga paap khan ke tini hoile Isor Jisu sapha kore apuni ke sob apuni laga paap khan pora Tai laga kimti khun dwara. Aru Tai ase wafadaar bonabole ami khan ke dharmik.

Itu hobdo pobitro mon mane nahoi mon ji te nai iku papa ru ahdharmikta. Hoilebi itu laga motlob ase ekta mon iku dagi nathaki kene itu prithibi laga; aru ekta mon juntu bhorta ase daya pora. Bacha khan Isor laga, apuni thakibo pare bishi icha aru sankalp apuni jibon te. Hoilebi jitya apuni sai tai khan te puhor te Pobitro Atma laga, titya Tai pora dikhai dibo apuni ke tate thaka galti khan ke.

Aji dhyan koribole laga pobitro kotha tuhoile 2 Corinthians 5:17 “itu karone, judi kunuba ase Krisvta te, tai ase notun nirmaan; purana saman khan paar hoishe; thakibi sob saman khan bonishe notun”.