Mar 04 –Lagad!

“Lagad maranji man’oihdam, iten asan gamlenden aninji ordaran daneteji” (Mattiu 5:5).

Kanina ate ordardage-lingan agasa. Abernan batte mandrengna pantai d’ong-lingan.

Do er galam maranji a d’ong ganalaman tiyte. Kitungan a bernan appaile mandranji a d’ong absamangle. Roman Centurian Kitungan aranaptin batte sanamangan hangtaben gamle dirneten. Anin Kitungan amangba gijgijle do gamle: “E Gamang, Bindo mittam bernan batte opunga, etteden boanta-hen sanamangan hangte”. Kitungan kuddub ordaran gabdille bo bernan batte.

Uyungan, angajan do tuitujanji bo bernan batte Kitungan gabdille – Anin amben abmele Kitungdage abernan appaile. Adnadsamangbenpo Bibolan gamte: “Iten asan gamlenden uggaran.

A anabatengan saring a t’odan berten”. Kitungan amang saring barij asuyeman do tanimhiman daku anlen abmele. A t’odan a bernan batte Kitungdage asanamangan hangtabe. Kitunglen Jisun gameten: “ettele t’od-Hen saring a dungten a berna-Hen dete.

Kanate asanggen mangba-Hen daiyarre adyerai; Hen itente itsumtai antate berna-Hen abojoraite (Sanenken 37:34).

Bar itente a baran apsele antate Hen appaitai antate berna-Hen abojoraite”. Anten asan amben, butente er t’ul-lingan dakuji do er samang-lingan dakuji. A d’onganji rabdute do absamangte a Kitungan. Angante Anin appaite a bernan, tette sagai orde tuya abernated – tuya orde sagai. Bogad mandran lanumud-lingan tana’aran appailenden (Hanangber 3:13).

Anin ayirben dete, attabdong, ogandile gijba yan aranadu do asayu beran. Kitungan a bernan ayirtaih abmele. Anlen birindalenji ampara baralenji do mandrengnalenji.

Abmele sidtin batte gadlamtabeji, orde phone batte. Bindo Kitungan mangbalen appaitai abernan. Do nami birindaling-len janang appaitai abernan do Kitungdage asanamangan tiyte!

Tanahimdam Kitungan a onagji. Kan ate amben apsele hanangan gamle ogandiba. Dile dinna, uggar-ling-ben gabrij’enaba. Kan a gabrij’enan marid do mardir mandrengna lingan. Kan a gabrij’enan marid do mardir mandrengna lingan!

Okiy Kinolbe absele: “Anin lanadladan dele do satid samoihan dele, dele janang Anin, a t’odan adrzad; anurungan deten a on murkundardan ambrij do uppur-gad maranji a mukkaban mobmo murkundardan ambrij Anin, a t’odan adrzad” (Jisaiya 53:7).