Mar 01 – Banagge-J’e!

“Banagge-j’e maranji man’oihdam, iten asan gamlenden ruang rajaman aninjiate” (Mattiu 5:3).

Kun ayam ragahingan dakule, kun jorda boroppon batte dakule. 3 saring 10 sikoija Kun maneng jordaban turdumle do garberneten: ‘Kitung, aman d’ong-hen galamte do aman asangem-mar-henji abmele galamte agontihenji ate. Nami hen sidamtinai jorda-lingan do mandrengna-hen sagalih’.

Do erab ding-ding-ling-ben, anin jorda-lingan sidamlen do kuddub aranaptin batte engdana susule, do atigoi garberan batte a uggar-lingan. Anin Kitungan aranaptin barij adakule asan, sayud’an a d’ongan hamle adraptiad. Miytai padle a tiki adrijneten. Asangem-maranji ardulaji jordaban bindo aninji kun sayud’a-lingan engdalen adrabtiadji, do kuddub aranaptinji batte.

Janang aninji hamle adraptiadji. Ayob abmele buteja adgalame. A dukkarin angle do karidale omdrengte. Do agardinji iylai arberele babyelaji sanabyu-beran batte. “Bindo hen ayengan a tangor lingan hatenai.

Antate Anin galamte; bar Anin d’ong-hen a tungjengten a tiki hen kilai ranan ambrij dunglen yertai”. Ajardina Kitungan galamte tanunjing tagoran do kanalkalan. Kitungan Mojes a d’ong gameten: “Hen Misor desa lingan mandradam-Henji a kanalkalan gijlai; obakam maranji a panadradan asan aninji a edanan amdanglai.

Bar aninji a satid samoihan galamtai, U u, Kitungan kuddub mandrengna beran galamte itente lumtabe. Boanta singan saring israelanji a d’ong tandile, Anin d’ongben janang tandite kuddub kanalkalanji saring.

Daudo gamete: “Hen danukkan batte kujadungtih; hen tamparub edalen endungtai”. Bindo Kitungan itente mandran abmele kuddub agalamte ate Daudo gamte, gragana tebulan gabdilba Kitungan atimangling asangem-maranji abmele! Do Marid Janggardan batte janababan deba. ayengan amandran gabdile United State of America, bo sanna sanulingan ayam hanaman dele, asangem-maranji a d’ong ahamben yiraiji do bo bigarda (Mattiu 18:4).

Desaba yire-sidle a mandrengna arabarab-ben asan. Gardi-kuran batte asangem-maranji saileji. Do tampagal anin abrijneten, asonaben asan. Amandrengna lingan anin abrijneten. Tanahimdam Kitungan a onagji, kan ate amben apsele hanangan gamle ogandiba?

Okiy Kinolbe absele: “GAMANGtungan boiboi langkadam dele janang oseng maranji apsele asuyemgijte, bindo Anin kinsa maranji a d’ong sangai saring abmadte.” (Sanenken 138:6).