Mar 01 – THAWAIDA TONBA !

“Thawaida tonbasing adu yaiphabani, maramdi swargagi ningthou leibak adu makhoigini.” (Matthew 5:3).

Gospel Matthew chapter five asi Prabhuna chingthakta tambiba Sermonni. Verse 3 dagi 10 asida mi amana thawairomda karamna mapung phana   chaokhatkani haibagi maramda sandokpani. Aduga khongkap khudingga loinana bor amamam su pibi. Masigi bor sing asina yaiphaba punsi amagi damakta yumbi oina mathou touri.

Matam amada Mahatma Gandhina asumna hairammi, “Indiagi manungda Christian khudingmakna chingthakki sermonda takpiba asigi matung inna hingba tarabadi India gi jati apumbasi Christian oikhragani. Russian gi Author Tolstoy aduna Sermon on the mount asi asumna thagatlammi, “ mi khudingmakna masi hingnabagi damakta ingadaba niyomni.

Indira Gandhina asumna hairammi, “eina thamoida khangba ngamdaba anaba thengnaba matamda Sermon on the mount asi hanjin hanjinna pagani. Aduga maduna eigi thamoida      achouba  nungaiba pibi.

Sermon on the mount asigi ahoubada yaiphaba haibasigi wahei asi uba phangi. Masi Iswarna eikhoigi punshida yaiphaba amadi     aphaba oiba haibasi asukki matik yamna pammi. Khwaidagi ahanbada, mahakna thawaida tonbasingbu hairammi, aduga maduna makhoibu karamna swargagi ningthou leibakta chingbibage aduga maduna kayamuk khudongchaba pibibage haibadu  sandoklammi.

Iswarna mi amagi thawaigi oiba punshi asi khwaidagi ahanbada yengli. Mina maithong yenglingeida Iswarna manunggi oiba thawaigi punshi asi yenglibani. Mahakna asha touriba adudi thawaida tonthaba amadi nollukpa thawai aduni.

Mi amana yaipharaba Iswargi ningthou leibak aduda change hairabadi mahak thawaida tonthaba amadi nollukpa oigadabani. Tonthaba amadi icham chamba thawai asigi maramda misingna henna laina bhap tanaba Iswarna  icham chamba oiba praman asi sijinnabani. Mahakna piklaba angang ama kouduna asumna hairammi, “ masigi angang macha asigumna nollukliba mi adu swargagi ningthou leibakta khwaidagi chaoba oigani.” (Matthew 18:4).

Nahak marak amatasu leitana thawaida tonthaba amadi icham chamba oigadabani. Nahakna nollukpa, nungshiab amadi thoujan heiba oigadabani, aduga Prabhu Jesugi nungshiba lamchat asi nangondasu leigadabani. Iswargi machasing, madugumlaba yaiphaba punshi adu phangba lousingadra?

Dhyan tougadaba: “Iswarna   awangba maphamda leirabasu,mahakna tonthaba misinggi damakta khankhi,adubu napal toubasingdi mahakna lapna yengbi.” (Psalm 138:6)