Feb 16 – Dernan batte Dainan!

“Gamlenden itente Kitungan saring karudkudan dele anta kudduban ordaran abladnale daiten, do itente a dainan ordaran abladnale daiten, kunate dema-len na” (1 Jon 5:4).

Kitungan a d’ongan asuyemle do amannagarberan susule. Kitungan a d’ongan saring rumangbaran lumle do Mohan C Lajar do Thudhi Shankar mailenji abaranaben asan. Ateng mailenji kun mandran batte, oalleji, yangam amang idolle kan bosoa Janggardadage akambolanji, Itente Kitungan oblingihten.

Hen sarebansingan hanang sanle tiylai. Do itente Hen hanangan tiylai, Hen idollai kan kudduban. Kan akambolanaji saring ajar ajar mandranji a d’ong Kitungan batte arberdateji.

Papwr anosaij ayam-lingan, Kitungan murda Buyanji, Tumadgijmaranji do Rajanji batte arberleji (2 Korintian 4:4). Do Tabme anosaij-ayam-lingan, Anappaimaranji, Tumadgijmaranji, Bangsa anoblingmaranji.

Pastoronji do Hanangnamaranji tiyanite mangbalen. Do Kitungan kan batte d’onglen hanghangte. Do tagoran absuite yangam hanaben dete. Ateng miynum amang, Titte pastor anoblingberanji kun auamaran abmele banangsa dele. Kun ayam Kitungan kun mandran a d’ong ablingle India-lingan abaranaben asan.

Do anin India lingan baran susule, kun ambrij Korea lingan janang baraling. Kitungan a d’ongan oblingle India lingan bo surda garber ompun dungtinai gamle. Anin oblingle India lingan bo surda do bo onlamaranji batte anabgugu do sanenkenra dete gamle. Aten asan, angante anin yernaite India lingan.

Butedelejanang Kitungan aboantanji, Orde Kitungan abaran alumteji amandranji- Kitungan olangtaben engale janang. Anin olangtaben, Kitungan a boantanji saring.

Gorjangban abangsa anoblingban saring. Angante amben girjasingban ayirte, amben ayirdong iteja erhamlabe. Bindo maridloge anogandi batte engale Kitungan d’ongben olante. Barokij, Amben agarberben dete yangam pastorben Kitungan hangdramte kun adinna-lingan.

Tagorben agaja adside. Kitungan a berna kinolba barij j’en batte. Tanahimdam Kitungan a onagji, angante Pastor orde Hanangmaran sanle Kitungan olangbnten, kuddub amben andangben dete. kan ate amben apsele hanangan gamle ogandiba.

*Do Kitungan kan batte d’onglen hanghangte. Do tagoran absuite yangam hanaben dete. Ateng miynum amang, Titte pastor anoblingberanji kun auamaran abmele banangsa dele. Kun ayam Kitungan kun mandran a d’ong ablingle India-lingan abaranaben asan.

Tanahimdam Kitungan a onagji, Eteden amben bo bangsa asuyeman ahangte, bo sanittan do lanabyuberan.*

Okiy Kinolbe absele: “Barij banuddin batte Kristun a bernan mang-Iing-ben bittidage dakunete” (Kolosi 3:16)