Feb 14 – TAGOT BISWAS DWARA!

Hebrews 11:34 “Biswas dwara komjuri pora bonishe tagot, bonishe tagot judho te, ghuraishe ahi thaka sena khan ke najana laga”.

Amikhan ke lage gau laga tagot kaam koribole aru koribole bishi saman khan ke. Ami khan ke lage tagot atma te jiyabole ekta pobitro jibon. Aru  ami khan ke lage tagot berabole jit te Krista logote,a ru jiyabole bishi porikha khan te.Itya,kinika amikhan pabo inika tagot ke?

Ami khan porhe tagot kaam khan ke Purana Niom laga pondit khan ke Hebrews Adhyay te. Biswas dwara tai khan bonishe tagot; aru bonishe tagot judho te.

Itu iki Isor jun tagot korishe manu ke isor laga Pobitro kotha te, ase pratigya di kene apuni ke aji aru koi, “bhoi nokoribi, kilekoile Ami ase apuni logote; nahobi mon chutu, kilekoile Ami ase apuni laga isor. Ami tagot koribo apuni ke, hoi, Ami modot koribo apuni ke, Ami dhuribo apuni ke Ami laga dharmik dahina hath pora”. (Isaiah 41:10).

Ekta island te north laga hekh phine Japan te, tate thakishe bhari borop gira jitu dhakaishe sob ghor khan ke, aru hobole dishe biya; aru manu khan thakibole lagishe baharte thanka pai kene. Itu dukh ke paar koribole utu island laga tai khan faisla loishe itu ke borop lagautsav manabole.

Utu utsav laga botor te, tai khan borop pora akkaam bona laga chunoti rakhe. Bhag loa khan bhangai dangor borop khan ke,a ru bonai chutu ghor aru mahal khan ke. Tai khan bonai bishi akaar khan ke bi janwar laga borop logote. Inaam bi diye sobse bhal dikhai diya khan ke. Tai khan lagai jui ke aru gana gai aru nache rasta khan te, iman utsah pora. Itu pora hi tai khan jiti bole pare tai khan laga dukh khan ke aru chinta khan ke iman thanda pora mania kene utsav ke.

Bacha khan Isor laga, jitya apuni ke gherav hoi porikha khan pora, dukh khan gherav koribo apuni ke sob phine pora, apuni koribo lage mahima laga utsab ke hobole tagot apuni laga komjuri te.

Jitya prithibi ke rajyo koribo antichraist  pora,a mi khan laga Isor pora rakhibo apuni kaoen ekta dangor utsav, jitya ami khan raj koribo Krista logote. Utu hobo shadi laga barakhana ami khan Memna Isor alga; aru isor  Jisu Nijor hi hobo utu dulha.

Hobole dibi Biswas isor te tagot koribole apuni ke! Jitya Isaac jonom hoishe pura ghor Abraham laga lagai pare kapra utsav laga. Putro jonom hua te, pura ghor bhorta hoishe pare prashansha logote, gana logote, nacha, gana,a ru khushi  logote.

Bacha khan ISOR laga, Biswas ase dangor jur. Itu ase ami khan laga Biswas juntu jite pura prithibi ke. Judi pondit khan Purana Niom laga homoi te, judi koribo pare iman dangor kaam khan ke, bhabna koribi dangor saman khan ke juntu ami khan paribo, jun jiyai itu homoi te Notun niom laga – homoi anugrah laga pura hobo paribo?

Aji dhyan koribole laga pobitro kotha tu hoile Nehemiah 8:10 “titya tai koishe tai ke, “kintu anondo Isor laga ase apuni laga tagot” philippians 4:4 “ anondo koribi hodai isor te. Aru bi ami kobo anondo koribi!”