Feb 07 – THAJABAGI MAHEI!

“Eikhoina amata oiba thajabagi thawai leibagi maramna, madu ikhibagi matung inna oibani, eina thajabagi maramna wa ngangbani, eikhoinasu thajabagi maramna nganglibani.” (2 Corinthians 4:13).

Masigi aroiba matam asida churches mayamda thajabagi maramda amadi thajabagi waheigi maramda achouba wari watai sanaba leire.  Iswragi manaisingna kanna sandokliba asidi thajabagi mapanna lan ngamba lei haibasini. Eikhoigi Prabhu Jesunasu thajabagi maramda yamna sandoklammi. Eikhoina hanggam maru chaoba thajaba leirabasu chingjaosing mapham hongdok hanba ngamgani haina sandoklammi. Eikhoigi nungda  amadi eikhoigi irakta leiriba Prabhu asidi Thajabagi Prabhuni. Mahak Thawaini, Thajabagi Thawaini.

Eikhoina sastrada uba phangba adudi, thajabagi makhal manga asini. Ahanbada, mioibada pithokkhraba mahousagi thajaba. Anisubada Prabhuda napchaba Christianda yumpham oiba thajaba. (Hebrews 6:19) ahumsubada, thawaigi nunggar oiriba thajaba (Hebrews 6:19) mari subada, Thawaigi khudol oiriba thajaba. (1 Corinthians 12:9) Aduga manga suba oina Thawaigi mahei oiba thajaba.(Galatia 5:22-23) nahakna masigi maramda mayek sengna mathou tabani.

Thawaigi mahei oiriba thajaba adudi Prabhuda hiram khuidngmakta matam khudingmakta thajaba yaba oigadabani. Achumba manaisingna mapuda matam leiba khibikta thajaba yaba amadi haraoba oigadabani. Matei manaosing su amaga amaga thajaba yaba oigadabani. Thajaba yaba, pukchel sengba, Achumba oiba haibasing asi thawaigi mahei oiba thajagi manung challi.

Houkhraba chahi sing aduda eikhoi asi ka bahara piduna yum amada leirammi. Yumbu aduna hui ama loirammi aduga hui adu mahakki mapuda yamna thajaba yaba oirammi. Nungdangda yumbu aduna yumgi manggonda phamduna yu ngaoraga leigani aduga hui aduna manakta kunduna leigani. Kanagumba mi amana madugi nipa aduda akanba khonna nganglabadi hui aduna chongsingani.  Yumbu aduna adukki yu ngaoba mi ama  oirabasu hui aduna yamna thajaba yaba oina leiba adu eina yamna ngaklammi.

Nupi amana nupa amada mayum panthokpa matamda, nupa aduna mahakpu nungshigani aduga yengsinbigani haibasi mahakki asha ni. Madu mahakki punshi chuppagini. Masi mahousagi thajabani. Aduga mahakna nipa aduga hingminnaba houraktuna mahakki nungshibada amadi mahakki sengi incomeda sijinnaminnaba matamda madu thajbagi yumpham oirakpani.

Yum amasi meichak khre haina lousi. First floor mathakta leiribi mahakki nupi aduda chongthanaba mahakki nipana laorammi. Mahakki nipana mahakpu okpiduna pamkhatpa ngamba ngamdaba karisu wakhal toudana chongtharakpa haibasi masi thajabagi khudolni.

Nupina mahakki nipa adubu tasengnamak nungshiduna, mangonda thajaba yaba oirabadi mahakna thajabagi mahei phongdokpani. Iswargi machasing,matou adugumna nahaknasu Prabhuda nahakki thajaba apumba adu thamduna mangonda ngajagadabani.

Dhyan tougadaba: “maram asigi damakta eina  awabasing asi khanglibani, adumakpu ei ikaijade, maramdi eina  thajariba mahakpu eina kangi, adug aeina mangonda sinnarakhraba adu mahaknasu numit adu phaoba ngakpiba ngammi haiba tasengnamak khangi.” (2 Timothy 1:12)