Jan 28 – Ganijgijan Sidle!

“Bar Jisun anin a d’ong jalangle gameten, Aman apsele Hen iten lumai? Itsum-nam iten? Bar kardun Anin a d’ong gameten, E Hanghang Mar, yante gamle garijgijnan hen rapti hangtai, kunate itsum-hen” (Mark 10:51).

Kitungan Anindaman tabme ahiman tiyle. Angante ahimben batte ganudingan adele, ambendaman gugudage aranubob Gamangtungan a s’i-ling saring, do Kitungan a raja s’I saring ahangte. Ateng mandranji, kristu maranji anabkalkalan batte (Ebri 13:8). Aninji ahimanji adbandaeji abaranji.

Orde alanumanji janang. Jajzngante ate kristuhiman do jajzngante ate bigardan dormahiman dakuteji, adernanji ambrij. Kan ate janajadageted. Angante amben derna-lingan kristun lingan ayirtai, bibolan saring ahiman asaiben dete. Jajzngante ate ardurditeji, angante amben hanangan atiyte?

Angante kun ahiman batte adakute, bigarda kitunganji saring, kan batte sanayaman dete a pwrardanji Kristu lingan. Kan ambrij akorana er janajated. Bibolan gamte: “Bar Kristun do Belial manan, pintu janggardan.

Iten a jongjong monnan. Do derna mar, er derna maran ampara iten a artanurdun. Tumadgijmar Eliya gamle sisbongda a t’od, “Jajing ayam sikoija amben enegoi bagu ahiman batte adakuten. Bogad Gamangtungan na Kitungan, sandungba; bindo bogad Baal? (2 Korintian 4:4).

Sadungetenden.” Anlendaman anabjadtanabe kan apsele. Angante anlen Kitungan abirindaling yirtaibe. Anin kuddub bartabmete. Gamangtungan gamle: “bar Kitung-Hen ahiman, do Kitung-Hen a gardan, manan, ruangan saring Kitung-Hen amang saring a latsoten a tabme-Hen anin amang lingan idoltai”. Ateng derna buhang tonananji daku, ayengan amandranji sarigoi adnabhananeji.

Aninji ahimanji abandalenji asan, itente aninji amanganji a dernanji dakule. Ahiman, bigarda kitunganji, anangan dete papwr ahiman batte. Do amben kun ambrij alumdong. Angante amben tabubdan a tiyte. Kuddub papwrgodan surpidan surpidle Kitungan a birindan amaidamten. Kun asan, amben bibolan saring ahiman a sedaben dete. Kitungan a pasijanji, angante amben tabme garadilan adele, amben janang tanunjing-lingan do kanalkal-lingan a yirte.

Tanahimdam Kitungan a onagji, Anin ahiman gugudage dete, amben galamle arabtite itente akanalkalanji erobjongdage ted kun ate ganalaman dete ayirtaihen a denna ling. Kitungan d’ong ben tabme ahiman tiybenten, do aten asan boi boi bangsa ahiman batte aganudingan?

Okiy Kinolbe absele: “GAMANGtungan gan’ung maranji a d’ong abdzte, GAMANGtungan roitad maranji a d’ong timyimte. GAMANGtungan luka maranji a d’ong rabrabte, Anin juarboijanji do kundrasijanji a d’ong saiyamte, bindo duaih maranji anogandin Anin kayatingge abmete” (Sanenken 146:8-9).