Jan 19 – MON JUNTU HARISHE!

Luke 8:35 “tai khan paishe manu ke jote pora satan khan jaishe, bohishe teng te Jisu laga, kapra lagaishe aru thik tai laga mon te. Aru tai khan bhoi korishe”.

Agete tai ahishe Isor Jisu ke, satan lagi thaka manu ke bandhibo napare shakli logote; aru tai bhangishe aru loi jaishe jongol te. Hoilebi jitya Isor Jisu ahishe tai te, Gaurav mai bodlikene hoi jibon te.tai jun nalagai iku kapra aghe, itya paishe kapra lagai kene aru tai laga thik mon te. Hoi khali ekta manu jun thakishe ekta thik mon, hobo chup, shanti aru ase samaj laga niom khan ke.

Ki apuni kitya bi jaishe hospital te dimag kom thaka ke ilaj kora laga? Satan tu hobo pare najani kene mon utu rogi khan laga; aru tai khan mile nijor te najana laga kaam kori kene. Taikhan nabhabe sapha pora; aru thik pora kaam nakore.

Bhal mon thaka logote bi achanak  sadma hobo jitya taikhan hune biya kotha ke. Tai khan chinta hobo mon te; aru tai khan laga hath aru theng kapi bole shuru hoi. Jitya peter thakishe sena khan logote, ekta naukar chukri ahishe tai te aru hudishe ‘ki apuni thakanai Jisu logote Galilee laga? Hosabi apuni ase ekta  tai khan majete, kilekoile apuni laga kotha dhoka di ase apuni ke’. Peter kapishe itu kotha khan ke huni kene; aru bhoi korishe. Tai bhabna koribo paranai bhal pora.a ru tai mana korishe jane koi kene Jisu ke aru shuru korishe tai ke shrap dibole Tai ke.

Itu karone kile Peter, pichete likhishe tai laga epistle te inika: “hobi norom, hobi tayar; kilekoile apuni laga dushman khan satan berai ekta gurai thaka hingo nishina, bisare kun ke tai khabo paribole. Mana koribi tai ke, dhuri thakibi Biswas ke” (1 Peter 5:8-9).

Tate ase ekta buddhi kotha, “nabonabi kityabi ekta bhabna nahoile bi nalobi iku faisla jitya apuni ke ase dhuri kene gussa aru khong. Aru nadibi kitya bi kosom jitya apuni khushi ase”. Karon itu ase, apuni laga mon nahobo pare bishi bhal duita stithi te bi.

Jitya david berai thakishe chat te tai laga rajyo te, tai dikhishe ekta maiki ke gusul kori thaka. Achanak ekta atma lobh laga bhorta korishe tai laga mon ke;a ru tai harishe tai laga bhabna thik kora laga mon ke. Tai janibole paranai tai laga natija ke itu kaam laga.a ru itu karone, mrityu laga paap khan, shrap aru biya khan bhabna korishe tai ke itu pichete.

Bacha khan Isor laga, hudibi Isor ke ekta bhabna kora lagamon ke. Judi apuni rakhe nijor ke vyasth bhal kaam karone, titya lobh laga icha khan naparibo apuni ke hamla koribole. Judi apuni thake prashansha kori kene Isor ke, tini hoile apuni bachabo pare apuni laga pobitrota ke.

Aji dhyan koribole laga pobitro kotha tu hoile 1 peter 1:13 “itu karone dhuri apuni nijor laga hingo khanke, hobi norom,a ru ahram koribi apuni laga akha te pura anugrah te ki ase ki itu ke anibole  apuni ke dikhai dibole Jisu Krista ke.”