Jan 17 – JIBON JUNTU HARISHE!

John 11:43 “tai kandishe ekta jor awaz logote, “Lazarus, ahibi aghe”.

Martha aru Mary bishi chinta thakishe giri thaka swasth te tai khan laga bhai lazarus laga, aru pothaishe dukh laga soochna Jisu ke ekta manu dwara. Tai khan pothaishe ekta jaruri soochna, koi kene, “Isor, thakibi, tai junke Apuni morom kore ase bimar”. Aru iki homoi te, swasth Lazarus laga bishi biya hoishe aru hekh te tai mori jaishe.

Jitya tok Jisu ahishe Bethany te, itya hoishe char din lazarus ke rakhi dishe Samadhi te. Martha, jun thakishe pura bhorta hoi kene dukh pora, koi Jisu ke, “Isor judi Apuni thakile yate, ami laga bhai mori bo thakanai”.

Jisu koishe tai ke, “Ami ase punaruttha aru jibon. Tai jun Biswas kore Ami ke, judibi tai morile bi, tai jiyabo. Aru jun bi jiyabo aru Biswas koribo Ami te namoribo kityabi. Ki tumi Biswas kore itu ke? (John 11:25-26).

Tai khali rokhanai itu sawal hudi kene, hoilebi jaishe Samadhi te. Aru Tai matishe Lazarus ke ahibole aghe, aru uthaishe tai ke mora pora. Ami khan laga Isor Jisu ke ase adhikaar mrityu uporte; aru Tai ke ase chabi Mati niche smadhi laga aru Mrityu laga bi (Revelation 1:18). Tai khotom korishe satan ke, jun thakishe Shakti mritya laga (Hebrews 2:14). Isor Jisu ase Tai jun garje aru koi, “O Mrityu, kote ase tumi laga dankh? O mati niche, kote ase tumi laga jit?” (1 Corinthians 15:55).

Isor Jisu uthaishe mrityu ke aru anishe Lazarus ke wapas jibon te, suwali Jairus laga bi, aru putro ekta bidwa laga nain te. Tai kosom bi dishe ami khan ke hodai din laga aru thik jibon sob jon ke, jun rakhishe ami khan laga Biswas Tai te.

Itu karone ami khan karone dangor akha  di kene ase mrityu laga agete. Itu ase ashirbaad laga akha hodai din laga jibon ke Isor Jisu logote, swarg rajyo te.

Ami khan laga morom Isor pora kosom dishe ami khan ke aru koishe, “Ami laga Baba laga ghor te ase bishi mahal khan; judi inika nai, Ami kobole thaka tumi khan ke. Ami jabo tayar koribole ekta jaga tumikhan karone, Ami ahibo aru ekbaar aru loi jabo tumi khan ke Ami te;ki jote Ami ase, tate tumi khan bi thakibole” (John14:2-3).

Lazarus ke uthaishe mrityu pora; aru paishe ekta khula avsar jiyabole arubi itu prithibi. Aru dusra lok paa  te Jisu laga Bethany tok, Lazarus bi khaishe Tai logote.

Bacha khan Isor laga, amikhan laga Isor ase mahaan aru sobse shaktishali. Isor logote  sob saman khan para  laga ase; aru Tai pare koribole sob achurit kaam khan ke. Aru Tai uthaishe amikhan ke, jun khan thakishe mori kene paap te aru moila khan te, aru dishe ami khan ke notun jibon aru dubara dishe sob juntu ami khan harishe itu notun jibon logote.

Aji dhyan koribole laga pobitro kotha tu hoile Psalm 89:48 “ki manu jiyabo pare aru nadikhibo mrityu ke? Ki tai bachabo pare tai laga jibon ke Shakti pora Samadhi pora?”.