Jan 16 – GAMALIDEJAKO PAVITHRATHA

Yohan 8:11 Jana vu – koni Prabhu kan kee, Yesu Vona dekan – ma sada thona sajaa duni, Thu jo abbepar pap karmath kan ko.

Yetha vyabhichara karthi pakadagijako beeren Prabhu Yesu maap karrojena dekrecha. Yee beer pavithar jeevanethi bhar banchareethi katho papema haljagijako Prabhur vadithi maap palidi. Jethij Prabhu Yesu Vona dekan – ma sada thona sajaa duni, Thu jo abbepar pap karmath kan ko.

Mar jeevano papema haljathanu badha padrochu kan keleval siluvar kan athanu phutojako dallethi maap puchlachko vunden yek navvo mannen dethanu yek navvo jeevanen arambha karacha.

Thu pap karrochikatho pavithravagi banchero kukan bhulajachi. Asso paper mansakshithi thu bancharochika?

Athoi thonaj vu Prabhu Yesu vor siluva dai athanu badlavani vejo kan balarocha.

Papethi ramlamath. Paper bayi moth kan Romavalun 3:23 vachanema dekacha. Ezekiel 18 :20 Vachanema pap karevaler jaan mothema padjavacha. Vuj Gener vath 28:13 vor papena goklevo vaddeni, vundena maalen chalevalo dayana palacha.

Bibilema chajako 1Yohan 1:8 Apanema pap chenikematho Apanen apanaj mosaa karlacha, vujji sath apanema reni. 1:10 apan pap kidekoni kan kematho apan Devenaj labbarikareval vemacha vujji vor vath apanema reni. 1:9  apaner papena apan maanlatho, vu apaner papena maap karan, soli bana niyathethi apanena pavithar karena vu saspaneran, niyathero cha. 1:7 Prabhu vajalema chaju apani vajalema chalatho, yekker sath yek bhalmalan remacha, vor Beta Yesu Christhur loyee soli papena dhon apanena pavithar karacha kan dekacha.

Ajji jada dhyan Karen pado  2 Corinthivalun 6:18