Jan 16 – POBITROTA JUNTU HARISHE!

John 8:11 “nahoi ki ami dosh dishe tumike; jabi aru paap nakoribi”.

Isor pora khemai korishe paap khan ke utu maiki laga junk e dhurishe bebichar te. Maiki jun pura harishe tai laga pobitrota te, aru dhurishe biya bandha te paap laga, khemai korishe Isor pora. Aru Tai morom pora koishe tai ke, “nahoi Ami dosh dishe tumi ke; jabi aru paap nakoribi”.

Isor pora nirmaan kore ekta notun shuruwat ke jibon te jun bi dukh kore tai laga paap khan nimite; swikaar kore tai khan ke ekta pachtava laga mon pora; aru sai Krsute. Tai laga kimti khun phelaishe Kruste, Tai sapha kore sob paap khan ke aru shuru kore pobitrota ke tai khan laga jibon te. Tai bone paap laga daan ami khan karone, aru loi nijor te itu dukh khan kea mi khan laga paap khan karone. Aru Tai pura khemai kore ami khan ke.

Ki apuni ke bi loi jai koribole paap khan bishi porisstithi te, ekta moila prithibi te? Ki apuni nirnatar hare apuni laga pobitrota ke? Ki apuni nirantar thake biya te? Ki  apuni ke chubhe galti thaka nimite?

Sabi Kruste ekta pachtava aru bhanga mon pora,aru ekta  doshi laga atma pora. Hobble dibi khun ke Jisu Krsita laga lobule apuni ke aru saph koribole. Tai pora kosom dishe ki judibi apuni laga paap khan ase laal dagi nishina, ki Tai pora  bonabo itu ke boga sona nishina. Tai pora hosabi khemai koribo apuni laga paap khan ke aru khara korabo apuni ke dubara Tai laga anugrah te.

Isor pora kosom dishe khemai koribole ami khan laga paap khan ke. Tai pora kosom dishe ki Tai aru yaad nakoribo ami khan laga paap aru niche harkat khan ke. Tai moromial ase bachabole ami khan laga atma ke gadha pora brashtachar laga, kilekoile Tai pora rakhishe ami khan laga paap khan ke Tai laga pichete, gehrai te hagor laga. Jiman dur purab pora pachim ase, inika dur Tai pora hataishe ami khan laga galti khan ke ami khan pora.

Nakhilibi kitya bi paap logote. Pobitro kotha te koi ami khan ke sapha pora ki: “hajira paap laga ase mrityu”(Romans 6:23). “atma jun paap khan kore moribo” (Ezekiel18:20). “Tai jun dhakai tai laga paap khan ke unnati nahobo, hoilebi jun swikaar kore aru chare tai khan ke thakibo daya” (Proverbs 28:13).

“judi ami khan koi ki ami khan nai paap, ami khan thogaia se nijor ke, aru hosa nai ami khan logote” (1  John 1:8). “judi ami khan koi kea mi khan paap koranai, ami khan bonai Tai kemmisolia, aru Tai laga byko nai ami khan te” (1 John 1:10). “judi ami khan swikaar kore ami khan laga paap khanke, Tai ase wafadaar aru nyay karta khemai koribole ami khan kea mi khan laga paap khan aru sapha koribole ami khan ke sob ahdharmikta pora”(1 john1:9). “khun Jisu Krsita, Tai laga putro laga sapha kore ami khan ke sob paap pora” (1 john 1:7).

Bacha khan Isor laga, hatai dibi sob paap khan ke apuni laga jibon pora,a ru ghurabi pobitro jibon te.

Aji dhyan koribole laga pobitro kotha tu hoile 2 Corinthians 6:18 “Ami hobo ekta Baba tumi karone, aru tumkhan hobo Ami laga putro khan aru putri khan, koi Isor Pormeshwar pora”.