Jan 15 – Itsuman S’idle!

“Kun aninji saring hen ansoi-hen maih anomda-an dele; bar aninji pwrarda-hen abs’zdben asan saijtihji” (1 Raja 19:14).

Di-dargamben Kitungan Tabme Mukkan tiybenten, Kristu-lingan butente Tabme gadelle. Jisu Kristun a mukkan ambrij – ruang lingan Gamangtungan a mukkan. Ruanglingan adakun a mukkan ambrij gadellai

Jajingante amihnum abmang, hen kznolai aboi magazine lingan. kun aboi birinda-lingan bo yaga-bojan as’idrungan abmele. Ateng mandranji a d’ongan batte a s’idrungnaben asaleji. Atanakud lingan, a u’an yanganji ateng taniytiyan batte yangam janang amandran batte a s’idrungben gabrij’enlingji.

Bindo tabme s’ingan gule janang anin kudineten ayagad’ongan asan. Buteja ads’idrung-linanji asan kadhidamneten. Angante hen kznolai kan a berna, uggar-ling-hen ateng dukkadalih. Kan Solomon a Kanzn lingan gamte: “Hen yagadam, bindo Hen tanimhimdam”, j’en-ling-Hen yirrai. Angante amben ordar-lingan daku. Adam adnang saring, anlen pintu lingan yaga daku. Bindo Kitungan Jisun agaja adnudrengnaite bindo timhimaiten do sajaiten.

D’onglen a timhimten amandran ambrij. Amarid mihaman batte kuddub pintunji do ananganji ganosodan dele, do bo bangsan delai. Angante amben yaga do ermarid dakulaben Adam-lingan. Anlen Kristun batte bo banangsa delai. Manglinglen Adam do Krisun abaranji ranabangan dele, kuddub denna lingan mandrengnaben. Bindo bo denna surakumpedan sadate. “Iten asan gamlenden ruang sura-kompedan saddate, do karahid maranji er-san’oge yanarmeng anabdznan hangteji, bar anlen banandan detabe.

Iten asan gamlenden kani s”ano d’ongan er-san’on a rotudben dete, do kani a karahid dongan er karahidan a rotudben dete (1 Pitor 5:2). Surakumpedan a saddaten ayam-lingan tabme mukkan ahangte. Kuddub ordardage ataramtaman do mukkanji anodsadan dete.

Do ruangdage a mukkan ahangte. Amben okiy er bangsa orde yaga adakuben bindo banandan (2 Korintian 9:7). Hangan hangle banangsa mukkan ahangte, Kitunglen Jisun ambrij. Manglinglen Adam do Krisun abaranji ranabangan dele, kuddub denna lingan mandrengnaben.

Tanahimdam Kitungan a onagji, Amben angante banandan ahangte tabme garadil-lingan. Anin badih togi sing-lingan galute badih. Angante Kitungan maineten (Jisaiya 40:29).

Okiy Kinolbe absele: “Anablu-Nam a man’oihan d’ong-hen barokij ti-ih, do mananne janggardan tiyle d’ong-hen hamle dakkua. Seletten hen dusa maranji a d’ong god-Namjilobdan hanghangtai, do pintu maranji mangba-Nam abyarj’eteji” (Sanenken 51:12-13).