Jan 14 – PUNARJIVIT JUNTU HARISHE!

Psalm 85:6 “ki Apuni punar nauthabo ami khan ke arubi, ki Apuni laga manu khan anondo hobole Apuni te?

Isor icha kore ki manu khan Isor laga anondo koribole Tai te; aru prashansha koribo Tai ke anondo te tai khan laga mon te. Itu ase hosa atmakarik punarjivit. Apuni laga jibon ki apuni ke ase inika anubhav anondo laga Isor te?

Tate bishi ase jun koi, “Sir, ami khan iman digdar ase aru chunoti khan ase ami khan jibon te. Majete inika digdar poristhiti laga, kinika ami khan anondo koribo Isor te?” hoilebi sabi David ke. Khali kilekoile tai aru tai laga manu khan thakishe iman dukh aru chunoti khan ki tai prathana korishe Isor ke aru koishe, “ki Apuni punar nauthabo ami khan ke arubi, ki Apuni laga manu khan anondo hobole Apuni te?” (Psalm 85:6).

Isor hunishe tai laga prathana ke aru bodlishe itu akha nathaka poristhiti ke, juntu thakishe mora aru sukha haddi nishina. Tai anishe tai khan ke wapas Israel te aru punar uthaishe tai khan ke. Aru tai khan laga dukh bodlishe anondo te. Pobitro kotha te koi, “jitya Isor anishe wapas bandhi khan ke Tai laga manu khan ke, hobole dibi Jacob ke anondo aru Israel ke khushi”. (psalm 53:6).

Inika punar jivit tu nahoi khali desh khan nimite; hoilebi sob manu khan karone ase. Niji jibon te, isor anishe wapas bandhi pora, aru diye tai khan ke botor anondo laga Tai te. Kintu Hannah, tai laga bandhi tu thakishe khali bacha nathaka laga. Aru tai lobule lagishe sorom aru nich ke itu karone hi. Hobo pare tai jaishe Mondir te Isor laga aru prathana korishe Tai laga maujudgi te, anibole tai ke bahar utu bandhi pora; punar jivit koribole tai laga godh ke; aru bonabole tai ke anondo Isor te. Isor hunishe tai laga suku pani laga prathana ke;a nishe tai ke bahar bandhi laga; aru punar uthaishe tai ke. Jitya tai bukishe Samuel ke tai laga godh te, anondo aru khushi bhorta korishe tai laga mon ke aru tai laga ghor te.

Jitya apuni anodo kore Isor te, apuni hoboanodo khali nahoi jitya paa homoi te prithibi laga ashirbaad khan ke; hoilebi jitya apuni paa homoi te punar utha apuni laga atma ke. Pobitro kotha te koi, “aru ami laga atma hobo anondit Isor te; itu anodno koribo Tai laga Poritran te”(Psalm35:9).

Isor ashirbaad korishe Hannah ke Samuel logote tai laga lora bonai kene, aru dishe taike anondo poritran laga. Pobitro kotha te koi, “Hannah prathana korishe aru koishe: “Ami laga mon anodno kore Isor te; ami laga hing ase uthai kene Isor  te. Ami hase ami laga dushman te, kilekoile ami anondo kore Apuni laga poritran te” (1 Samuel 2:1).

Bacha khan Isor laga,Isor bi punar uthabo apuni laga jibon ke; aru apuni laga atma ke. Apuni jun dikhishe saal khan ke dukh aru  bikh laga,  ghushibo din khan te anondo laga. Itu karone, manibi apuni laga mon khan te, hobole anondo Isor te hodai.

Aji dhyan koribole laga pobitro kotha tu hoile Pslm 104:33-34 “ami gabo Isor ke jitya to kami jiyai; ami gabo prashansha ami laga Isor ke jitya to kami thake. Hobole dibi ami laga dhan mitha Taike; ami hobo khushi Isor te”.