Jan 15 – UTSAH JUNTU HARISHE!

1 Kings 19:14 “ami ekla bachishe, aru tai khan bisare ami laga jibon lobule”.

Nabi Elijah, jun guraishe ekta hingo nishina, ase pura bhagor hoi kene aru tai ghumaishe jharu gash laga niche te. Poila morom ke dikhabole ki Isor ase Pormeshwar, aru thakanai tai te.

Hoilebi Isor, jun bisare aru diye dubara harija ke, icha kore dibole utu utsah ke aru tagot ke Elijah ke. Toh, Tai pothaishe ekta duth ke Elijah te. Duth pora chuishe taike aru koishe taike, “uthibi aru khabi”. Titya tai saishe, aru tate tai laga matha usorte thakishe ekta rota koila te bona laga, aru jar apni laga. Toh tai khasihe aru ghumaishe.

Kile Elijah harishe tai laga utsah ke? Kile tai dhuri thakishe bhagoria mon hoi kene? Ami khan sikhe itu podh pora ki itu khali kilekoile dhamki pora Jezebel pora jun thakishe rani. Jitya tai dhamkaishe tai ke,tai uthishe aru polaishe tai laga jibon nimite, aru jaishe din laga safar te jongol te, aru ahishe aru bohishe jharu gash laga nichete. Aru tai prathana korishe ki tai mori jabo pare, aru koishe, “itu kafi nahoi! Itya, Isor, lobi ami laga jibon!” hoilebi Isor charanai Elijah ke inika stithi te bhagor laga.

Ami khan laga Isor dilasa diye aru ahram diye ami khan kea ma nishina. Aru Tai gehrai pora chinta thake sob ami khan laga kaam karone jinika baba khan thake. Ki apuni mehsus kore ki apuni harai ase ki ekta? Ki apuni jiyai ase apuni laga jiibon ke iku icha aru utsah nathaki kene? Ki apuni mehsus kore ki judibi tai khan jun thake moromial apuni karone, ghurishe khilaf te apuni laga; aru ki apuni mehsus kore kit ate kun bi nai apuni ke chinta koribole nimite? Khali sabi Isor ke jun apuni ke nnirmaan korishe. Sabi Tai ke, jun kinishe apuni ke Tai laga kimti khun pora. Tai pora kitya bi apuni ke nacharibo.

Tai pora arubi dibo sob juntu apuni haraishe; aru apuni hobo utsah Isor karone arubi. Jitya apuni seva kore Isor ke, koribi icha loi kene, utsukta pora aru tagot pota(1 peter 5:2) bacha khan Isor laga, naharibi kitya bi tagot ke aru utsah ke iku poristithi te.

Dibi apuni laga sobse bhal uphar Isor ke, gussa nahoi kene nahoilebi dorkar laga nimite; hoilebi khushi pora(2 Corinthians 9:7). Judibi apuni daan kore koribi mon khuli kene. Jitya bi Raja David bhagor hoishe tai laga atma te, tai prathnaa korishe isor ke ekta utsah aru khula mon karone, aru paishe itu ke.

Bacha khan  Isor laga, isor pora bhorta koribo apuni tagot aru utsah pora. “Tai diye Shakti komjur ke,a ru jun khan nai iku tagot Tai barhai tagot ke” (Isaiah 40:29).

Aji dhyan koribole laga pobitro kotha tu hoile Psalm 51:12-13 “dibi arubi ami ke anondo Apuni laga paritran laga,a ru dhuribi ami ke Apuni laga diya laga Atma pora. Titya ami sikhabo bhul kora khan ke Apuni laga rasta khan,a ru paapi khan bodlibo Apuni te”.