Jan 13 – DHAN JUNTU HARISHE!

Joel 2:25 “toh Ami aru ekbar dibo tumi ke saal khan juntu phoreng uri thaka khan pora khai dishe, mati te berai thaka phoreng khan, khotom kori diya phoreng khan aru chabai diya phoreng khan, Ami laga dangor sena juntu Ami pothaishe tumi khan majete”.

Isor pora pratigya di ase aru ekbaar dibo le apuni khan ke. Ki apuni khan bi kiba kibi pora harishe Isor laga ashirbaad khan ke juntu apuni karone thakishe? Ki apuni agh barhi bole napari kene ase bishi badha thaki kene rasta te? Ki apuni bhangi ken ease mon te, ki iman saal laga dukh pichete bi tate iku hekh nai koi kene? Isor ase pratigya di kene itu laga uporte itu notun saal te.

Ekbaar ekta sadasya porivaar laga koishe ami ke dukh khan ke ji tai khan laga mon te thakishe aru inika koishe, “ki bi ami khan kamai ase khali bache dibole nimite interest aru loan khan loa ke hi.hodai mohina dhar diya khan ahe siddha kaam laga jag ate aru loi jai pura salary ke interest nimite. Dusra khan labha uthai tai khan kaam kora ke”.

Kiman bi dukh! Hobo pare uri thaka phoreng khan; aru khotom kori diya phoreng khan khai dishe sob apuni laga dhan khan ke; tai khan mushi dishe sob apuni laga dukh pora kamai kora dhon khan ke. Hoilebi jitya apuni ghure isor te, Teon pora hosa bi dibo sob juntu  apuni hari loishe.

Isor Jisu laga mrityu dwara kruste, apuni pai milap logote Pormeshwar te; apuni pai wapas divya milap ke; aru pai dubara anondo ke paritran laga.

Isor pora aru bi dibo apuni ke, saman khan itu prithibi laga. Apuni nadikhibo uri thaka phoreng ke; niche te berai thaka phoreng ke; aru khotom kori diya phoreng ke aru ekbaar. Aru tai khan nakhabo apuni laga ashirbaad khan ke.

Pobitro kotha te koi, “jitya apuni khai kaam kora laga apuni laga hath laga, apuni hobo khushi, aru itu hobo bhal apuni logote. Apuni laga maiki hobo phaldaik lota nishina majete apuni ghor laga” (Psalm 128: 2-3)”.

Itu bishi dorkari ghatna ase darj kori kene Purana Niom te. Jitya David jiyai thakishe nagar te Ziklag laga, Amalekites khan  pora jolai dishe pura nagar ke, aru loishe tai khan laga maiki khan ke, bacha khan ke bandhi bonai kene; tai khan lutishe  pura janwar khan ke; sob dhon sampatti khan ke tai khan manu laga; aru tai khan laga anaj khan ke bi. Jitya tai khan ghurishe nagar te, “David aru manu khan jun khan uthaishe tai khan laga awaz ke aru kandishe, jitya tok tai khan Shakti thakanai kandibole” (1 Smuel 30:4).

Isor hunishe tai khan laga kanda ke aru prtigya dishe aru koishe, “bisaribi (Dushman khan ke, kilekoile tumi khan hosabi paar koribo paribo tai khan ke aru nahari kene pai jabo sob” (1 Smuel 30:8).

Bacha khan Isor laga, apuni ke ase  Isor David laga, apuni laga  Pormeshwar hoi kene. Isor jun hi dishe Tai laga pratigya ke aru korishe dangor achurit khan ke jibon te David laga, ase di kene apuni khan ke Tai laga pratigya ke. Nathakibi atit laga hari ja khan te hoilebi prathana koribi nirantar Isor ke. Aru isor pora dibo sob juntu khotomhoi jaishile uri thaka phoreng khan pora aru khai diya phoreng khan pora.

Aji dhyan koribole laga pobitro kotha tu hoile Jeremiah 30:17 “kintu Ami pora dibo swasth tumi ke aru changai koribo tumi laga jokhom khan ke, ‘koi Isor pora, ‘kilekoile tai khan matishe tumi khan ke bahar manu koi kene: “itu ase Zion; kun bi nabisare tai ke”.