Jan 08 – MANGKHABA HARAOBA!

Sengdaba thawai changba mi kayadagi sengdaba thawaisingna ahouba khonjenna laoraduna thoklakkhi, aduga mahakna nakan namma sithaba amasung makhong tekpa mi kayabu phahankhi. Aduna sahar aduda yamna haraorami.” (Acts 8:7-8).

Samariagi sahar asukki matik haraoba adu kari maramgino? Maramdi mapham aduda anaba pharammi, khongtekpasing phakhi,aduga sengdaba thawaising su chatthoklammi. Iswarna angakpa touba matmada mapan naidaba haraoba lakpani.

Nahakna Thawai asengbada haraoba aduda tokkadaba nate,a dubu Thawai asengbagi khudolsu phanggadabani. Thawai asengbagi khudolsing asina nahakki punshida Iswargi panggal pusinbani. Aduga nahakna matik amadi mapu oiba pham adu phanggani.

Mi mayamna makhoigi hakchang phatabadagi amadi anabadagi punshida haraoba haibasi manghankhre. Makhoina makhoigi imunggi damakta, Iswargi damakta amadi machasinggi damakta sintha pangthokpa adu ngamdaduna leire. Makhoina  talliba sen mayam adusu laiyengbada sijinnathokkhre aduga makhoigi sana oibagi maphamsing adu anabagi phamungda manghankhre.

Prabhu Jesuna  taibangda lakpa matamda mahakna masing thingamdaba angakpa thabak mayam tourammi. Sastrana hai, “ Iswarna Nazarethki Jesubu thawai Asengba amasung panggalgi thao heibikhiba, mahakna aphaba thabak touduna amasung diyabolna otneiriba singbu phahanbiiduna koina chatlammi, maramdi Iswarna mahakka loinabkhi.  ” (Acts 10:38)

Iswarna nahakki punshigi thabak tourakpada nahakki anabasingbu phahanbigani. Aduga nahakki hakchang phaba amadi harao nungaiba adu hanjingani. Satanna hurannaba, hattoknaba amadi manghannaba lakpani,adubu Iswarna nahakki damakta leppigani aduga Iswarna nahakpu punshibu pibigani aduga marang kaiba punshi adu phanggani

Matam amada eikhoigi thajaba  ama asthama gi maramna swar honba nungaitaba amasi eikhoigi thawaigi meetingda saruk yaba laklammi. Aduga numit humni suba numit aduda mahakna mamang lomda changjarakkhi aduga mahakki damakta Iswargi manaisingna haijabirammi. Aduga nupi aduna anabadagi phagani haina chetna thajabaga loinana meeting adudagi mayumda hankhi. Aduga mahakki punshi chuppa ashtmagi nungaitaba karisu amukka hanna leitre. Iswarna piba haibasi achetpa khudol oibani. Mahakki punshida madugi laina adugi mami machet amatasu uba phangdre.

Madugi imung amadi iswargi manaising aduna iswargi angakpa thabak adu uduna loinamak haraorammi. Aduna ngasigi Bible verse asida masi panbani, haibadi madugi sahar aduda chouba haraoba leirammi. Iswargi manaising, nakhoi amamamna madugi achouba haraoba adu nakhoigi khun natraga sahar da pangthokpa haibasi iswargi aningbani.

Dhyan tougadaba: “adubu Jesubu asibasinggi maraktagi hinggat hanbiba mahakki thawaina nakhoida leirbadi, Christa Jesubu asibaisinggi maraktagi hingat hanbiba mahak aduna nakhoida leiba mahakki thawai adugi mapanna nakhoigi siba naiba hakchangdasu hingba pibigani.  ” (Romans 8:11)